"Kámelet jasyna tolmaǵandardy beıimdeý ortalyǵynyń" terıtorıasynan ketip qalǵan jasóspirimderge izdeý jarıalandy, - dep habarlaıdy Qamshy.kz Tengrinews.kz -ke silteme jasap.

Balalardyń joǵalǵany jaıly habar polısıaǵa 21.15-te túsken. Habar berýshilerdiń málimetinshe, jasóspirimder 27 maýsymda shamamen saǵat 18.00-de serýendeý kezinde ketip qalǵan.

Qashyp ketken 2001 jylǵy Dıas Kákimov pen onyń qurdasy Sobolevskıı Vladımırdiń ózdiginen ketip qalý jáne qańybastyǵy úshin ortalyqta ýaqytsha bolǵany jáne Tarazdaǵy devıanttyq minez-qulyq kórsetetin balalar men jasóspirimderdiń arnaıy mektebiniń baqylaýyna berilýi tıis bolǵany aıtylady. Al 2002 jylǵy Denıs Aspıleıder Aqmola oblystyq kámelet jasyna tolmaǵandar isi jónindegi Iývenaldyq sotynyń sheshimimen balalar úıine jiberilýge deıin beıimdeý ortalyǵynda bolǵan, sebebi onyń sheshesi ata-ana quqyǵynan aıyrylǵan.

Jasóspirimderdi izdeý jumystarymen Kókshetaý İİB polıseıleri men ıývenaldyq polısıa ınspektorlary aınalysyp jatyr. "Polıseıler olardy tabý boıynsha jedel-izdestirý sharalar keshenin júrgizip jatyr, týystary men dostaryn, tanystarynan surastyryp jatyr. Jasóspirimder týraly qandaı da bir málimet biletinderden 25-96-00 nemese 102 nomerlerine habar berýdi suraımyz", delingen Aqmola oblystyq İİD baspasóz  habarlamasynda.