Astanada memlekettik organdardaǵy jemqorlyqqa qarsy qoǵamdyq qozǵalys quryldy, - dep habarlaıdy Qamshy.kz.

Uıymdastyrý komıteti qazir uıymnyń naqty ataýyn talqyǵa salýda. Osyndaı qozǵalys qurý ıdeıasyn alǵash bolyp usynǵan saıasatker Syrym Abdrahmanov mundaı sheshim qabyldaýǵa astanalyq Ádilbek Meıramovtyń otbasyndaǵy jaǵdaı túrtki bolǵanyn aıtady.

«Biz Astanadaǵy súrilgen úılerdiń ornyndaǵy jerlerdiń tıimdi paıdalanylýyn belsendi túrde tekseretin bolamyz. Túrli jemqorlyq sqemalardyń júzege asýy da nazardan tys qalmaıdy. Ár jyldardaǵy ákimdiktiń qatysýymen qurylǵan, taratylǵan uıymdar, zańdy tulǵalar, memleket qarajatynyń jumsalýyn taldaımyz», - deıdi S. Abdrahmanov.

S. Abdrahmanov Astanada páteri súrilgeli jatqan Á. Meıramovtyń basyndaǵy jaǵdaıdy «memlekettik terror» dep baǵalap otyr.

«Bul Astana ákimdigi tarapynan jasalyp otyrǵan «memlekettik terror» dese de bolady. Kópbalaly otbasynyń úıi «memleket qajettiligine» dep, kósheni keńeıtý úshin súrilmekshi, alaıda, bul baǵyttaǵy qajetti jumystar buryn bitip qoıǵan. Maǵan ol jerge komersıalyq nysannyń qurylysy júrmek degen de aqparat jetip jatyr», - degen ol qurylǵaly jatqan qoǵamdyq qozǵalystyń áleýmettik ádildik izdegen qarapaıym turǵyndarǵa kómek kórsetýdi ǵana emes, bıznesinen aırylǵan nemese memlekettik organdar men sheneýnikterden, yqpaldy toptardan túrli qysym kórgen kásipkerlerdiń de quqyǵyn qorǵaýdy kózdeıtinin aıtyp otyr.