Atatúrik atyndaǵy Ystambul áýejaıynda 28 maýsym kúni keshke 2 birdeı jarylys boldy. Oqıǵa saldarynan túrli derekterge sáıkes 31-32 adam qaza taýyp, sońǵy málimet boıynsha 150-ge jýyq adam zardap shekken, - dep habarlaıdy Qamshy.kz Bı-Bı-Sı- ge silteme jasap.

Túrkıa Prezıdenti Redjep Taııp Erdoǵan muny terakt dep atap, qasıetti Ramazan aıynda beıkúná adamdardy óltirgen qaskóılerdiń is-áreketin synǵa aldy. Erdoǵan halyqaralyq qoǵamdastyqty terorızmmen kúresýdi kúsheıtýge shaqyrdy.

Seısenbi kúni keshke Ystambulda Atatúrik atyndaǵy halyqaralyq áýejaıda jarylystar men atystar boldy.

Túrkıanyń ádilet mınstri Bekır Bozdagtyń sózine qaraǵanda, muny úsh jankeshti jasaǵan.  

Shabýylshylardyń biri Kalashnıkov avtomatymen kúzetshilerge oq jaýdyrdy, dedi Bozdag.

Ózge málimetterge qaraǵanda, shabýylshylar avtomattarmen oq jaýdyryp, keıin óz ózin jarǵan.

Kýágerlerdiń sózine qaraǵanda, qaskóılerdiń biri áýejaıdyń kireberisinde ornalasqan metal izdeıtin jabdyqtyń qasynda shoǵyrlanǵan adamdardyń arasynda turyp jarylǵysh zatyn iske qosqan.

Jarylystan keıin Ystambul halyqaralyq áýejaıynan ushyrylady dep josparlanǵan barlyq reıster keıinge shegerildi. Jolaýshylardy qonaq úılerge jaıǵastyrdy.

Ázirge bul qylmysty eshkim moınyna almady.