Ystambuldaǵy Atatúrik halyqaralyq áýejaıyndaǵy jarylys kezinde ol jerde bir top qazaqstandyqtar da bolǵan, - dep habarlaıdy Qamshy.kz  tengrinews.kz – ke silteme jasap.

Olar Astanadan Bolgarıaǵa bara jatqan azamattar kórinedi.

«Bizdiń topta barlyǵy 21 adam bar. Bolgaıaǵa balalardyń mýzykalyq baıqaýyna bara jatqan betimiz edi. Áýejaıda biz júkterimizdi alyp, basqalardy kútip turǵanbyz. Alystan bir tarsyl estildi. Artynan áýejaıǵa kireberiste jarylys boldy. Barlyǵy astan-kesten boldy, sylaqtar ushyp jatty. Qudaı saqtap, bizdiń toptan eshkim jaraqat almady», - degen tengrinews.kz – ke kýágerlerdiń biri.

Terakt kezinde áýejaıda bolǵan, sapardan keshikken Qazaqstan azamattary elimizdiń sondaǵy konsýldyǵy qonaq úılerge ornalastyrýǵa yqpal etken. Buǵan deıin QR SİM Túrkıada bolǵan teraktiden zardap shekken Qazaqstan azamattarynyń joq ekenin habarlaǵan edi.

Túrkıada júrgen Qazaqstan azamattary úshin SİM sol eldegi konsýldyqtyń telefon nómirin habarlady:  +90 212 6625347. 

Esterińizge salsaq, Túrkıanyń Ystambul qalasynda úsh birdeı jarylys bolyp, 36 adam qaza  tapqany habarlandy.