Aldyn ala málimetter boıynsha, Ystambuldaǵy jarylystar saldarynan qaza tapqandardyń jáne japa shekkenderdiń arasynda Qazaqstan azamattary joq, - dep habarlaıdy Qamshy.kz QazAqparatqa silteme jasap. 

«Qazirgi tańda, Ystambuldaǵy jarylystar saldarynan qaza tapqandardyń jáne japa shekkenderdiń arasynda Qazaqstan azamattary joq. Qazaqstannyń Bas konsýldyǵy aqparatty anyqtap jatyr. Qosymsha málimetter habarlanady», - dedi QR SİM baspasóz qyzmetiniń basshysy  Ánýar Jaınaqov telefon arqyly tilshilerge bergen suhbatynda.

Sondaı-aq, Qazaqstan 2016 jylǵy 28 maýsymda Ystambul qalasynda oryn alǵan terorıstik aktini qatań aıyptaıdy. Búgin QR Syrtqy ister mınıstrligi osyndaı málimdeme taratty.

«Túrkıa úkimetine jáne baýyrlas halyqqa, osy zulymdyq áreket qurbandarynyń týystary men jaqyndaryna qaıǵyryp kóńil aıtamyz.Qazaqstan terorızmniń kez kelgen kórinisine qarsy ymyrasyz kúresti óziniń tolyq qoldaıtynyn rastaı otyryp, terorızmge qarsy keń aýqymdy halyqaralyq koalısıa (jeli) qurý arqyly osy baǵyttaǵy halyqaralyq áreketterdi úlestirýdi barynsha nyǵaıtýǵa shaqyrady»,  - delingen málimdemede.

Eske sala keteıik, Ystambuldyń halyqaralyq áýejaıynda jarylys boldy. Oqıǵa saldarynan túrli derekterge sáıkes 31-32 adam qaza tapqan. Sońǵy málimet boıynsha 147 adam zardap shekken.  Jarylystar serıasy halyqaralyq termınalda oryn aldy.