«Eır Astana» Ystambul qalasynyń Atatúrik áýejaıynda oryn alǵan qaıǵyly jaǵdaıǵa ortaqtasyp, kóńil aıtady, - dep habarlaıdy Qamshy.kz   QazAqparatqa silteme jasap.

«Qazirgi ýaqytta Ystambuldaǵy áýejaıy ashyq, tekserý men qaýipsizdik sharalarynyń kóbeıýine qatysty avıakompanıa jolaýshylarǵa reısten úsh saǵat buryn kelýdi suraıdy. Áýe kompanıasy jaǵdaıdy muqıat baqylaýda, birinshi kezekte ekıpaj ben jolaýshylardyń qaýipsizdigi basshylyqqa alynady. Qosymsha aqparat alý úshin «Eır Astananyń» Almatydaǵy: +7 (727) 2 44 44 77 jáne Astanadaǵy: + 7 (717) 258 44 77 aqparat jáne brondaý ortalyǵyna nemese avıakompanıanyń bılet satý keńselerine nemese týragenttikke habarlasýlaryńyzdy ótinemiz», - dep habarlaıdy áýe kompanıasynyń baspasóz qyzmetinen.

«Eır Astana» arqyly Túrkıaǵa/Túrkıadan bılet alǵan jolaýshylar sapardan bas tartqan jaǵdaıda avıakompanıa bılet qunyn esh aıyppulsyz qaıtarady jáne ushý kúnin nemese ushý baǵytyn aıyppulsyz ózgertip beredi (sol nemese basqa baǵyttyń qymbatyraq tarıfine qosymsha tólemmen).  Bul málimdeme 2016 jyldyń 15 shildesine deıin Ystambul men Antalıaǵa ushatyn reısterge qatysty.