Qaraǵandy oblysynda lańesterdi ustaý operasıasy barysynda sodyrlardyń biri ózin jaryp jibergen, - dep habarlaıdy Qamshy.kz QR UQK baspasóz qyzmetine silteme jasap.
«26 maýsym kúni Balqash qalasy jáne Gúlshat eldi-mekeninde dinı radıkaldy toptardyń bar ekeni anyqtalyp, ustaý operasıasy júrgizildi. Olar qoldan jasalǵan jarylǵysh zattardy paıdalaný arqyly lańkestik áreketter jasamaq bolǵan", - delingen UQK taratqan habarlamada.
Anyqtalǵandaı, ustaý kezinde Gúlshat eldi-mekenindegi sodyrlardyń biri ózin jaryp jibergen. Ol oqıǵa ornynda kóz jumǵan.
«Ózge qaza tapqandar men jaralanǵandar joq. Toptyń ózge músheleri ustaldy. Olardan jarylǵysh zat daıyndaýǵa arnalǵan zattar, sýyq qarý-jaraq jáne ózge de zattaı aıǵaqtar tabyldy. Qazir atalǵan is boıynsha sotqa deıini tergeý amaldary júrgizilýde», - delingen habarlamada.
