Qyrǵyzstan Respýblıkasynyń prezıdenti Almazbek Atambaev qyrǵyz ultyna til tıgizgen QR Mádenıet jáne sport mınıstri Arystanbek Muhamedıulyna jaýap bergen áıelderdi marapattady, - dep habarlaıdy Qamshy.kz Zonaza.kz saıtyna silteme jasap.
Arystanbek Muhamedıulyna vıdeoúndeý joldap, namystaryn qorǵaǵan áıelderdiń áreketin qyrǵyz jurty patrıottyq jáne erlik dep baǵalaǵan. Sol sebepti Qyrǵyzstannyń Reseıdegi elshiliginde Máskeýde eden jýyp, kúnin kórip júrgen qyrǵyz áıelderge Atambaevtyń atynan marapat qaǵazdaryn tapsyrý saltanaty ótti.
Erekshe patrıottyq tanytqan Rısalát Qarabaeva men Gýlá Qojaevaǵa aqshalaı syılyq pen kádesyılardy prezıdent atynan qyǵyz elshisi Bolat Otynbaev tabys etti.
Sondaı-aq, vıdeoúndeýdi daıyndaǵan "RIA Novostı" aqparattyq agenttiginiń qyzmetkeri Aıgúl Nıazalıevaǵa da arnaıy syılyq tapsyrdy.
Esterińizge salsaq, 24 mamyrda Qazaqstannyń Mádenıet jáne sport mınıstri Arystanbek Muhamedıuly Astanada halyq aldynda esep bergen kezinde Reseıde eden jýyp júrgen qyrǵyz qyzdaryn kórip, jany ashıtynyn aıtqan bolatyn. Muny estigen Máskeýde qara jumys isteıtin áıelder vıdeoúndeý jarıalap, tamaqtaryn adal taýyp júrgenderin aıtqan bolatyn.
