Elordadaǵy Rixos qonaq úıinde atys bolyp, eki adam jaraqat aldy, - dep habarlaıdy Qamshy.kz Tengrinews.kz - ke silteme jasap.

Oqıǵa búgin elordalyq bes juldyzdy qonaq úılerdiń birinde boldy.

17 shilde saǵat 08.00 shamasynda Rixos qonaqúıiniń ǵımaratynda ornalasqan bardyń ishinde buzaqylyq áreket jasaǵandarǵa qatysty QR QK-niń 293-baby 3 tarmaǵy - "Buzaqylyq, tramvmatıkalyq qarýdy qoldaný" jáne QR QK 287-baby 2-bóligi "Qarýdy, oq-dárilerdi, jarylǵysh zattardy jáne jarylys qurylǵylaryn zańsyz ıemdený, berý, ótkizý, saqtaý, tasymaldaý nemese alyp júrý" boıynsha is qozǵalǵan.

Sotqa deıingi tergeý jumystarynyń nátıjesinde janjal barǵa kelgen qonaqtardyń arasynda shyqqan. Qaqtyǵys saldarynan eki adam Astana qalasynyń medısınalyq mekemesine jetkizilgen.

Sotqa deıingi tergeý barysynda oqıǵaǵa qatysqan 25 jáne 29 jastaǵy azamattar ýaqytsha ustaý ızolátoryna qamaldy. Qylmystyq is boıynsha kerekti saraptamalar júrgizilýde. Sotqa deıingi tergeý jumystary jalǵasýda.