Almaty polısıasy atystan qaza tapqandardyń aty-jónderi men sýretterin jarıa etti, - dep habarlaıdy Qamshy.kz.

Polısıanyń málimetinshe, qaladaǵy atystardan qaza tapqandar:

Nurmuhamedov Baýyrjan Málikuly - İİD ÁPB jol-patrýldik polısıasynyń ózindik qaýipsizdik qyzmetiniń aǵa ınspektory, 1988 jylǵy. İshki ister organdarynda 2011 jyldan beri qyzmet etken. Úılengen, qyzy bar.

Sálimbaev Maqsat Qolǵanatuly - polısıanyń kishi serjanty, İİD JPQ JPP polkiniń polıseıi, 1991 jylǵy, ishki ister organdarynda 2013 jyldan beri qyzmet etip keledi. Úılengen, qyzy bar.

Ǵalıev Aıan Erbolǵanuly - polısıa starshınasy, Almaty qalalyq MKQB MM polısıasynyń 2-shi batalónynyń polıseıi, 1974 jylǵy, ishki ister organynda 1997 jyldan beri qyzmet etip keledi. Úılengen, eki qyzy bar.

Aıta keteıik, búgin Almatydaǵy Almaly aýdandyq İİB jáne UQKD ǵımarattaryna shabýyl jasaldy, qazirgi ýaqytta Almatyda "Jedel ustaý" arnaıy jospary jarıalandy. Osy oraıda polıseıler turǵyndarǵa úılerinen shyqpaýdy ótingen. Qaladaǵy barlyq qarý-jaraq satatyn dúkender jabylǵan. Úsh polısıa qyzmetkeri jáne bir beıbit turǵyn qaza tapqan. Shabýyl jasaǵandardyń ekeýi ustaldy", - delingen Almaty İİD taratqan aqparatta. Jansaqtaý bóliminde 7 polıseı jatyr. Almatyda terrorlyq qaýiptiń "qyzyl deńgeıi" jarıalanǵan.