Almatyda terorıstik qaýiptiń qyzyl deńgeıi terorızmmen kúres jónindegi respýblıkalyq jedel shtabtyń jetekshisiniń sheshimi boıynsha alyp tastaldy, - dep habarlaıdy Qamshy.kz.
Bul týraly Almaty qalalyq terorızmmen kúres jónindegi Shtab ókilderi habar taratty.
"Qazaqstan Respýblıkasy Antıterror ortalyǵy Almaty qalasy aýmaǵynda shekti ("qyzyl") terorıstik qaýiptilik deńgeıiniń engizilgendigi jóninde habardar etedi. Belgisiz bireýlerdiń Almaly aýdandyq İİB jáne UQK Departamenti ǵımarattaryna shabýyl jasaýy negiz boldy. Sheshimdi Ulttyq qaýipsizdik komıtetiniń tóraǵasy Qazaqstan Respýblıkasy Prezıdentiniń 2013 jylǵy 9 tamyzdaǵy № 611 "Terorızm aktisi qateriniń týyndaýy týraly aqparat monıtorıńiniń jáne halyqty habardar etýdiń memlekettik júıesiniń uıymdastyrylýy men jumys isteýi qaǵıdalaryn bekitý týraly" Jarlyǵy talaptaryna sáıkes qabyldady", - delingen habarlamada.
Aıta keteıik, Almatyda atys jasap, terorıstik áreketke barǵan eki er adam da ustaldy.
