UQK basshysy Vladımır Jumaqanov Qaýipsizdik keńesiniń jıynynda Almatydaǵy Almaly aýdandyq İİB men UQKD ǵımaratyna shabýyldaǵan adam jaıly málimetti Memleket basshysyna baıandap berdi, - dep habarlaıdy Qamshy.kz Tengrinews.kz -ke silteme jasap.
"Kúlikbaev Rýslan Alpysbaıuly 1990 jyly 11 maýsymda dúnıege kelgen, Qyzylorda oblysynyń týmasy, buǵan deıin Baıqońyr qalasynda turyp kelgen. Úılengen. Qazirgi ýaqytta Almaty oblysy İle aýdany Yntymaq aýylynda turdy, uıaly telefondar satýmen aınalysqan. 2010 jyldyń 27 tamyzynda Shymkent qalasynyń Eńbekshi aýdandyq soty ony QR QK-niń 178-babynyń 2-bóligi boıynsha (zorlyq kórsete otyryp tonaý) sottaǵan. 2012 jyldyń 8 mamyrynda Qyzylorda oblystyq soty ony 251-bap (qarýdy zańsyz satyp alý jáne saqtaý) baby boıynsha eki jyl 11 aıǵa bas bostandyǵynan aıyrǵan", - dep habarlady Jumaqanov.
"Abaqtyda, kolonıada ol salafıttermen birikti, qazir máseleni qarap jatyrmyz", - dedi UQK basshysy.
Eske salaıyq, 18 shildede 11.00-de Almaly aýdandyq ishki ister basqarmasyna shabýyl jasalyp, bir polıseı jaraqat alǵan bolatyn, osydan keıin qylmysker avtomat qarýyn alyp, jasyrynǵan edi. Osyǵan deıin Almatyda Almaly aýdandyq İİB mańy qorshaýǵa alynǵan bolatyn. Kýágerlerdiń aıtýynsha, Nıkolskıı bazarynyń aýmaǵynda atys bolyp jatyr. Bul jerde aýdandyq polısıa basqarmasy ornalasqan. Sonymen qatar, kýágerler kórshi ǵımarattardaǵy adamdardy keńselerinen shyǵarmaı otyr eken. Taıaý mańda ornalasqan keńsedegilerdiń aıtýynsha, 10 ret oq atylǵan.
