Almatylyq polıseıler qaza tapqan áriptesterine osyndaı ótemaqy aýdaratyn boldy, dep habarlaıdy Qamshy.kz qalalyq İİD baspasóz qyzmetine silteme jasap.
"Qazaqstan Respýblıkasynyń "Quqyq qorǵaý qyzmeti týraly" Zańynyń 66-babyna sáıkes, Qyzmetkerler qaza tapqan (qaıtys bolǵan) nemese mertikken jaǵdaıda beriletin kepildikter" bar. Máselen, qyzmetkerler qyzmettik mindetterin atqaryp júrgen kezeńinde mertikken jaǵdaıda oǵan birjolǵy ótemaqy tólenedi, al qaza tapqan (qaıtys bolǵan) jaǵdaıda ol ony alýǵa quqyǵy bar adamdarǵa beriledi. Sonymen qatar, 67-babyna sáıkes, qaıtys bolǵan nemese qaza tapqan qyzmetkerlerdi jerleý úshin olardyń úsh aılyq aqshalaı qarajaty mólsherinde, al zeınetkerlerge úsh aılyq zeınetaqy tólemi mólsherinde birjolǵy aqshalaı ótemaqy tólenedi. Bul jaǵdaıda birjolǵy aqshalaı ótemaqy úsh aılyq aqshalaı qamtý túrinde tólenedi, zeınetkerlerge - úsh aılyq zeınetaqy tólemi kóleminde", - dep habarlady Almaty qalalyq İİD resmı ókili Saltanat Ázirbek.
Astanalyq polıseıler de qaza tapqan áriptesteriniń otbasyna bir kúndik jalaqysyn aýdarady.
"Astana qalalyq İİD basshylyǵy men jeke quramy Almatyda bolǵan qaıǵyly oqıǵalardyń saldarynan qaza tapqan áriptesterimizdiń týystary men jaqyndaryna kóńil aıtamyz. İİD-de qaza bolǵan polıseılerdiń otbasylaryna qarjylaı kómek kórsetý týraly sheshim qabyldandy. Osyǵan baılanysty elordalyq ishki ister departamentiniń basshylyq quramy óziniń birkúndik jalaqysyn qaza bolǵan polıseılerdiń otbasyna aýdarady", - delingen habarlamada.
Eske sala keteıik, Almatyda terakt kezinde úsh polısıanyń qyzmetkeri qaza tapty. Olar: Nurmahanbetov Baýyrjan Málikuly - İİD ÁPB jol-patrýldik polısıasynyń ózindik qaýipsizdik qyzmetiniń aǵa ınspektory, 1988 jylǵy. İshki ister organdarynda 2011 jyldan beri qyzmet etken. Úılengen, qyzy bar. Sálimbaev Maqsat Qolǵanatuly - polısıanyń kishi serjanty, İİD JPQ JPP polkiniń polıseıi, 1991 jylǵy, ishki ister organdarynda 2013 jyldan beri qyzmet etip kelgen. Úılengen, qyzy bar. Ǵalıev Aıan Erbolǵanuly - polısıa starshınasy, Almaty qalalyq MKQB MM polısıasynyń 2-shi batalónynyń polıseıi, 1974 jylǵy, ishki ister organynda 1997 jyldan beri qyzmet etken. Úılengen, eki qyzy bar.
