Almaty qalasynyń ákimi Baýyrjan Baıbek terakt áreket jasaǵan adamnyń tergeý ızolátoryna qamalǵanyn aıtty- dep habarlaıdy Qamshy.kz.

-Qazir jaǵdaı turaqty. Keshe áleýmettik jelilerde tekserilmegen, jalǵan kóptegen habar kelip tústi. Atqarýshy quqyq qorǵaý organdary naqty algorıtmmen bul málimetterdi tekserip, shyndyqqa janaspaıtynyn málimdedi. Qylmysker bir orynda bolǵan joq. Sondyqtan ony ustaýǵa ýaqyt ketti. Keshe ol ustaldy, esin jıdy. Odan jaýap alyndy. Búgin tergeý ızolátorynda, - dedi qala basshysy.

Keshegi oqıǵadan 5 adam qaza tapty, barlyǵy polıseı degen qala basshysy polıseılerdiń erlik kórsetkenin atap ótti.

-Eshqaısysy sasyp qalmady. Qarsylyq kórsetti. Týystary men jaqyndaryna kóńil aıtqym keledi. Búgin otbasylaryna baryp, kóńil aıtýdy josparlap otyrmyz. Qazir úsh polıseı óte aýyr jaǵdaıda jatyr. Olardyń ómiri úshin dárigerler kúresip jatyr. Zardap shekken taǵy eki adamnyń jaǵdaıy jaqsy. Búgin memleket basshysynyń tapsyrysymen qaza bolǵandardyń otbasyna jáne zardap shekkenderge materıaldyq kómek kórsetý týraly sáıkes qaýly shyǵaryldy. Iaǵnı búgin jaǵdaı baqylaýda. Sondyqtan biz quqyq qorǵaý organdaryna qoldaý kórsetip, kómek kórsetýimiz kerek", - dedi Baýyrjan Baıbek.