Aýrýhananyń jansaqtaý bóliminde jol-patrýldik polısıasynyń mamandandyrylǵan batalóny qyzmetiniń aǵa ınspektory polısıa leıtenanty Tımýr Begasylov qaıtys boldy, - dep habarlaıdy Qamshy.kz qalalyq İİD baspasóz qyzmetine silteme jasap.
"Ol jol-patrýldik polısıasynyń ózindik qaýipsizdik ekıpajynyń quramynda Abylaı han dańǵylynda qyzmetin atqarǵan. Azamat Rýslan Kúlekbaevtyń zańǵa qaıshy áreketine toıtarys berý kezinde Tımýr Begasylovqa oq tıgen. JMKA-ǵa polıseı asa aýyr jaǵdaıda tústi. Dárigerler onyń ómirin aman alyp qalý úshin baryn salyp kúresti", - delingen İİD taratqan habarlamada.
Polısıa leıtenanty Begasylov Tımýr Tileýuly 25.07.1986 jylǵy, ol quqyq qorǵaý organdarynda 2015 jyldyń qańtarynan bastap qyzmet etken.
Aıta keteıik, buǵan deıin, Almatydaǵy atys kezinde úsh polısıa qyzmetkeri men bir beıbit turǵyn qaza tapqan bolatyn.
Sondaı-aq, Almatyda bolǵan teraktiden qaza tapqandardyń otbasyna 15 mıllıon teńgeden, al zardap shekkenderdiń otbasyna bes mıllıon teńgeden beriletinin habarlaǵan bolatynbyz.
