Búgin tańerteń bastalǵan jedel izdestirý sharasyna oraı Almatydaǵy «Kók bazar» jabylǵan, - dep habarlaıdy Qamshy.kz.
Maqataev pen Gogol kósheleriniń perımetrin polısıa men sarbazdar qorshap tur. Osy kvadratta ornalasqan «Rahat» kondıterlik fabrıkasynyń ákimshiligi kásiporynnyń qalypty jaǵdaıda jumys istep turǵanyn aıtty.
Qorshaýda qalǵan «Kók bazar» jarty saǵattaı ýaqyt buryn jabylǵan. Bazarǵa kirip úlgergen adamdar ázirge saýda ortalyǵynyń ishinde qalǵan. Arnaıy shara ótip jatqan aýmaqqa jedel medısınalyq járdem, qutqarý, gaz qyzmetteriniń mamandary tartylǵan.
Buǵan deıin Gogol men Maqataev, Zenkov pen Abdýllınder kósheleriniń arasynda polısıa jedel izdestirý sharasyn ótkizip jatqanyn habarlaǵan bolatynbyz.
