Almaty qalasy qylmystyq-atqarý júıesi departamenti elden ketken belsendi Ermek Narymbaevqa izdeý jarıalady, - dep habarlaıdy Qamshy.kz Informburo.kz - ke silteme jasap.

Atalmysh departament Narymbaevty izdeý jumysyn "bastapqy izdeý is sharalary" boıynsha áreket etýde. 

-Sot júktegen jaýapkerlishikti Narymbaev durys qabyldaǵan joq. Oǵan jazanyń negizgi merzimi tolyq ótelmeıinshe nemese baqylaý ýaqyty tolyq aqtalmaıynsha Qazaqstannan shyǵýǵa tyıym salynatyndyǵy týraly taǵy da jazbasha eskertildi, - deıdi Almaty qalasy qylmystyq-atqarý júıesi departamentiniń resmı ókili Manas Tuıaqbaev.

Onyń ketkeni rastalatyn bolsa tıisti jazasyn alady deıdi atalmysh departament. Alaıda Ermek Narymbaev 14 shilde kúni Ýkraınada baspasóz maslıhatyn ótkizip, 10 shilde Qazaqstanmen irgeles elderdiń biriniń shekarasynan zańsyz ótý arqyly Ýkraınaǵa jetkeni, sonda júrgen oppozısıoner Aıdos Sadyqovpen tabysqany, ol elge jer reformasyna qarsy mıtıńiler qarsańynda ákimshilik qamaýǵa alynǵan belsendi Móldir Ádilovanyń da barǵany sol jıynda aıtylǵan edi.