Memlekettik qyzmet mınıstrligi sheneýnikterdiń kıim-kıisi men júris turysyna shyndap kirisken sıaqty. Sebebi qymbat kostúm men qolyna Shveısarıa saǵatyn taǵa almaıtyn shendiler endi qarapaıym halyqqa "siz" dep sóıleýdiń ornyna baıqamaı «sen» dese de, sottalyp ketýi múmkin, - dep habarlaıdy Qamshy.kz 31 arnaǵa silteme jasap.
Al mas kúıinde kólik aıdaýdan memlekettik qyzmetkerler kósh bastap turǵan kórinedi. Sondaı-aq para alýǵa eń beıim ákimdiktegiler bolyp shyqty. Keıin ishki ister organdary, aýylsharýashylyǵy men densaýlyq saqtaý salasyndaǵylar barmaq basty, kóz qystyǵa jıi salady eken.
- Mas kúıine kólik júrgizetin sheneýnikterdi jıi jazaǵa tartyp jatyrmyz. Turǵyndarǵa dórekilik kórsetip, ózin joǵary qoıǵan shendiler men jumys ýaqytynda ornynda otyrmaıtyn 114 qyzmetkerge de eskertpe jarıaladyq, - deıdi QR Memlekettik qyzmet isteri vıse-mınıstri Aıgúl Shaımova.
