Oljas Súleımenov, Bıbigúl Tólegenova, Toqtar Áýbákirov, Murat Áýezov, Asanáli Áshimov, Muhtar Shahanov, Dýlat Isabekov, Igor Vovnánko, Oraz Jandosov, Roza Rymbaeva, Tamara Kaleeva, Ermek Tursynov Memleket basshysyny hat jazyp, odan Qazaqstan Jýrnalıser Odaǵynyń tóraǵasy  Seıitqazy Mataevqa qatysty qozǵalǵan qylmystyq istiń obektıvti túrde qaralyp, ádil sheshim shyǵýyna yqpal etýdi surady, - dep habarlaıdy Qamshy.kz QazTAG-qa silteme jasap.

«Bizdiń tergeý organdary, prokýratýra men sot qyzmetine baǵa berý oıymyz joq, bizdiń maqsatymyz – Sizge quqyqqorǵaý organdarynyń qolymen 25 jyl buryn basqa da tulǵalarmen birge Qazaqstan Táýelsizdiginiń bastaýynda bolǵan Sizdiń birinshi baspasóz hatshyńyzdyń atyna kir keltirilip jatqanyn jetkizý», - delingen hatta.

Hatqa qol qoıǵandar S. Mataev «Ulttyq baspasóz klýbyn» Elbasynyń jeke tapsyrmasymen qurǵanyn, Qazaqstan Jýrnalıser Odaǵynyń jumysyn jandandyrǵanyn, onyń fılıaldary barlyq óńirde jumys istep turǵanyn, Astanada respýblıkalyq Jýrnalıser úıin salǵanyn, QazTAG halyqaralyq aqparat agenttigin uıymdastyrǵanyn, onyń Qyrǵyzstan, Tájikstan, Ózbekstan, Aýǵanstan, Qytaı men Iranda da jelileri baryn alǵa tartqan.

«Kez-kelgen adamnyń ómirinde tabys ta, qatelikter de bolady. Ómir sondaı, adamnyń tabıǵaty sondaı. Bizdiń mindetimiz – osy jaǵdaıda Seıitqazy Mataev pen onyń otbasyn qoldaý. Ol ózine taǵylyp otyrǵan aıyptarmen kelispeıdi, óziniń abyroıyn sotta qorǵaýǵa daıyn. Biz istiń obektıvti túrde qaralyp, sotta ádil sheshim shyǵýyna yqpal etýdi surap hat jazyp otyrmyz. Biz onyń óziniń kinásizdigin dáleldep shyǵatynyna kúmándanbaımyz. Sondyqtan, Sizden sizdiń qyzmettegi ádildigińiz ben bitimgerlik qasıetterińizdi eskere otyryp, atalǵan istiń barysyn jeke baqylaýǵa alýyńyzdy ótinip suraımyz», deıdi hatqa qol qoıǵandar.

Jemqorlyqqa qarsy is-qımyl jónindegi Ulttyq búro qozǵaǵan qylmystyq is boıynsha tergelip jatqan S. Mataevty úı qamaqta ustaý merzimi 22 shildege deıin uzartylǵan edi.

Osy is bastalǵanda jýrnalıser qaýymy Bas prokýror atyna hat ta jazǵan bolatyn.