SHQO-da Álıhan Bókeıhanovtyń 150 jyldyǵyna oraı eskertkish ornatylmaq. Búginde sáýlet nysanynyń eskızine jarıalanǵan respýblıkalyq baıqaýdyń qorytyndysy belgili boldy, - dep habarlaıdy Qamshy.kz.
Eskertkish eskızine jarıalanǵan respýblıkalyq baıqaý bıyl 22-sáýir men 23-mamyr aralyǵynda ótken bolatyn. Basqosýda aıtylǵandaı, oǵan 4 músinshi 5 eskız usynǵan. Nátıjesinde, belgili ǵalymdar, tarıhshylar men sáýletshilerden quralǵan sarapshy top belgili músinshi, Qazaqstan sýretshiler Odaǵynyń múshesi Baqytbek Muhametjanovtyń eńbegine tańdaý jasaǵan. Bıiktigi 13 metr bolatyn eskertkish jospar boıynsha, qalanyń sol jaq bóliginde, Ertis jaǵalaýynan oryn teppek. Bul baǵytqa búdjetten 24 mln teńge qarjy qarastyrylǵan.
