Kúrshim jáne Zaısan aýdandarynyń taýly mekenderindegi manýl, arqar jáne basqa da faýna ókilderi kadrǵa ilingen, dep habarlady YK-news.kz.

SHQO osy aýdandaryndaǵy fotoqaqpandardy novosibirlik «Sıbekosentr» qoǵamdyq birlestigi ótken jyly ornatqan. Oblystyq tabıǵı resýrstar jáne tabıǵatty paıdalanýdy retteý basqarmasynyń saıtynda «Sıbekosentrdiń» dalalyq ekojúıelerdi zertteýmen aınalysatyny jazylǵan.

Maýsym aıynyń aıaǵynda vıdeobaqylaýdyń nátıjesin teksergen reseılik mamandar baqylaý nátıjesiniń kóńilden shyqqanyn aıtýda.

«Fotokadrlardyń birinen manýldy baıqadyq. Bul janýardyń áli de ózine úırenshikti jerde mekendep kele jatqanyn dáleldeıdi, - dep jazylǵan tabıǵı resýrstar basqarmasynda. -  «Sıbekosentr» qyzmetkerleri bizdiń dalamyzdy Reseımen, Mońǵolıamen salystyryp, Aıagóz, Abaı, Tarbaǵataı, Kúrshim aýdandaryndaǵy dalalyq jyrtqysh qustar men manýldar anaǵurlym jaqsy ekologıalyq ortada ekenin aıtty».

Basqarma men sibirlikterdiń birikken jumysy keler jyly da jalǵasyn tabady.