Shyǵys Qazaqstan oblysy búdjetiniń kirisi men shyǵysyn onlaın-rejımde kórýge bolady. Aımaqtyq búdjettiń kirisi men shyǵysy jaıly aqparat «SHQO ákimdiginiń qaýyrt jelisi» jobasy aıasynda oblys turǵynynan kelip túsken arnaıy usynys negizinde jasalyp otyr.
«Oblys ákimdiginiń saıtynda «Búdjet kirisi» men «Búdjet shyǵysy» modýlderi iske qosyldy. Aqparat kúndelikti jańartylyp otyrmaq», delingen SHQO ákiminiń baspasóz qyzmeti taratqan aqparatta.
«SHQO ákiminiń saıtynda oblys búdjeti men onyń ıgerilýi jaıly málimetterdi naqty ýaqyt rejıminde kórsek jaqsy bolar edi», - dep jazdy oblys turǵyny ákimdiktiń «WhatsApp» nómirine.
Osy saýal negizinde ekonomıka men qarjy salasyna jetekshilik etetin SHQO ákiminiń orynbasary Qýat Tumabaevtyń tapsyrmasymen atalǵan modýlder jasaldy.
Endi árbir adam Shyǵys Qazaqstan ákimidiginiń saıtynda aımaq búdjetiniń kirisi men onyń ıgerilýi jaıly aqparat ala alady.
Josparly jáne naqty málimetter grafıka túrinde berilip, kúndelikti jańartylyp otyrady.
Aıta ketsek, bir aıǵa jýyq ýaqyt buryn Shyǵys Qazaqstan oblys ákiminiń baspasóz qyzmetimen «SHQO ákimdiginiń qaýyrt jelisi» jobasy qurylǵan bolatyn.
Oblys turǵyndary +7 771 202 2002 nómirine «WhatsApp» messendjeri arqyly saýaldaryn joldap, máseleler jaıly habarlap, sýret, jazba jáne vıdeo túsirilim arqyly aqparat joldaı alady.
