Aıagóz aýdanynyń Mamyrsý aýylyndaǵy S.Ǵabbasov atyndaǵy orta mekteptiń aldyna asyqtardan ádemilep jasalǵan asyqtyń kishi arhıtektýralyq músini qoıyldy, dep jazady «Dıdar» gazeti.

Erekshe týyndyny atalǵan bilim oshaǵynyń sýret pániniń muǵalimi Qaırat Sydyqov jasady. Asyqtyń astyndaǵy taǵany bir metr. Oıýlanyp órnektelgen. Al asyqtyń óziniń kólemine kelsek, eni 30, bıiktigi 60 sm. Músindi jasaý úshin shamamen myńnan asa asyq jumsalǵan.

Jobany iske asyrýǵa 70 myń teńgeden astam qarajat ketken. Asyqtardan asyq jasaý týraly ıdeıanyń avtory - mektep dırektory Rıfhat Dúısekenov.

Osy mektepte oqyp, búgingi kúni qasıetti qara shańyraqta qyzmet atqaryp júrgen Qaırat Rahymjanuly bul týyndysyn «Týǵan jerge - taǵzym» aksıa aıasynda bilim ordasyna tartý etti.

Esterińizge sala keteıik, músinshi byltyr da mektep aldyna 100 myń teńge qarajat shyǵyndap, tyrnanyń músinin jasaǵan bolatyn. Óz kezeginde sheber bolashaqta da aýyldyń abattanýy, mekteptiń kóriktenýi jolynda tyń jobalarmen qýanta beretinin jetkizýde.