Shyǵys Qazaqstan oblysynda týrızm salasyn damytý boıynsha jospar jańa sala - etnotýrızmmen tolyqty. Etnotýrızmdi damytýdyń aımaqtyq josparyna kıiz úı úlgisindegi ulttyq naqyshtaǵy qonaq úı, arnaıy jabdyqtalǵan tamaqtaný nysandaryn salý syndy sharalar engizilmek.

Aımaq basshysy Danıal Ahmetov Katonqaraǵaı aýdanyndaǵy saparynda Berel qorǵandaryna týrıserdi tartý úshin osyndaı sheshim qabyldady. 

Atalǵan jospardy iske asyrý barysy qyrkúıek aıynyń basynda Óskemen qalasynda ótetin halyqaralyq ǵylymı-praktıkalyq konferensıa barysynda talqylanady. Jalpy, konferensıaǵa álemdik deńgeıdegi ǵalymdar qatysady, olar Qazaqstan tarıhy men arheologıa máselelerin ortaǵa salmaq.

Katonqaraǵaı aýdanynyń ákimdigi týrızmdi damytý baǵdarlamasyn daıyndaý maqsatynda kásipkerlerdi tartýmen aınalysady.
«Biz qorǵandardyń betine sarkofag ornatý jumystaryn jyl saıyn qarjylandyrýǵa daıynbyz. Osylaısha, bir jaǵynan, arheologtar tarıhı muramyzdy zertteý jumystaryn júrgizse, ekinshi jaǵynan, ǵylym salasymen baılanysty bıznes-úrdisti damytatyn bolamyz, - dedi SHQO ákimi arheologıalyq ekspedısıa jetekshisi, profesor Zeınolla Samashevqa.

Shyǵys Qazaqstan oblysynda bıyl 2016-2018 jyldarǵa arnalǵan arheologıa salasynda ǵylymı zertteý jumystaryn damytý Jospary sheńberinde elimizdiń jáne shet elderdiń jetekshi ǵalymdary bes kóne arheologıa eskertkishterinde aýqymdy qazba jumystaryn júrgizip jatqandyǵyn aıta ketý kerek.