15 shildeden Shyǵys Qazaqstanda ishki áýe tasymaly boıynsha qozǵalys qalpyna keltiriledi.  Óskemennen Semeı, Úrjar, Zaısanǵa ushatyn áýe reısteri ár baǵyt boıynsha aptasyna úsh retten bolady.  

Barlyq ishki áýe reısteri «áleýmettik tasymal» statýsyna ıe - turǵyndar úshin avıabılet baǵasy qashyqtyqqa baılanysty shamamen 3-ten 8 myń teńgege deıin. Máselen, Óskemennen Zaısanǵa deıingi áýe  bıletiniń quny (AN-24 ushaǵymen) - 6 myń teńge.

Óskemen-Semeı-Úrjar reısimen sáıkesinshe 3 myń jáne 8 myń teńgege ushýǵa bolady. Al Semeıden Úrjarǵa 7 myń teńgege ushýǵa bolady, dep habarlady Óskemen áýejaıynda.  

«Ońtústik baǵyt» kompanıasynyń áleýmettik áýe tasymaldarynyń qunymen aıyrmashylyǵy oblystyq búdjetten tólenedi.  

Sonymen qatar, jýyrda tirkelgen «Ońtústik baǵyt» qazaqstandyq áýe kompanıasy («SKAT» enshiles kompanıasy) osyndaı ushaqpen kún saıyn oblysaralyq «Almaty-Úrjar» áýe reısin jasaıdy. Jolaýshylar úshin avıabılet quny  14 myń teńge bolady. Bul baǵyt boıynsha áleýmettik avıareısterdi respýblıkalyq búdjet sýbsıdıalaıdy.

Óskemen áýejaıynyń basshysy Nıkolaı Korolenko habarlaǵandaı, AN-24 ushaqtaryna tehnıkalyq qyzmet kórsetý Óskemen áýejaıy bazasynda júzege aspaq.