Pavlodar oblysynda «Ortalyq-SHyǵys» avtobanynyń 25 shaqyrymdyq bóligin salyp jatqan 450-ge jýyq jumysshynyń jalaqysy keler aptada berilmek, - dep habarlaıdy Qamshy.kz Bnews.kz - ke silteme jasap.

Aıta keteıik, qazirgi tańda tórt jolaqty avtoban ýchaskesiniń qurylysy toqtap tur. Mamandardyń aıtýynsha, mamyr aıynan beri berilmegen jalaqydan bólek, qurylys materıaldary men janar-jaǵarmaı taýsylyp qalǵan. Atalmysh 25 shaqyrymdyq jol bóligin «Avtodorservıs» JSHS-ne qarasty úsh sýbmárdiger salyp jatyr. Mamandardyń esepteýinshe, bas merdiger kompanıa olarǵa 100 mln teńgege jýyq qarjy qaryz.

Bas merdiger fırmasynyń ókili kelip, bizben tildesti. Onyń aıtýynsha, másele kelesi aptada tolyq sheshimin tappaq. Máselen, men jetekshilik etetin «ADS-TK» JSHS-niń qaramaǵynda 160-tan astam adam eńbek etedi. Taǵy eki sýbmerdiger fırmanyń eńbekkerleri de jalaqysyz otyr. Búgin dızel otyny taýsylyp qaldy. Endi qurylys materıladary men janar-jaǵarmaı ákelinbeıinshe, jumysymyzdy jalǵastyra almaımyz», - deıdi sýbmerdiger kompanıasynyń dırektory Vácheslav Savınov.+

Qurylysshylardyń aıtýynsha, atalmysh nysan qazan aıynyń sońynda paıdalanýǵa berilýi tıis.

«Qarjy ýaqytynda túspese, keshigip qalýymyz múmkin. Nysan «Nurly jol» baǵdarlamasy aıasynda salynyp jatyr. Sondyqtan, bizge artar jaýapkershiliktiń de júgi aýyr. Eger jalaqymyz ben qurylys materıaldaryna arnalǵan qarjy kelesi aptada berilse, joldyń qurylysyn der kezinde aıaqtaýǵa múmkindik bar», - deıdi mamandar.