Astanadaǵy Meıramovtar sıaqty Almatylyq taǵy bir otbasy sot oryndaýshylar kelgende gaz balonyn jarmaq boldy, - dep habarlaıdy Qamshy.kz 31 arnaǵa silteme jasap.

Almatynyń barlyq kúshtik qurylymdary aıaǵynan tik turyp, ózimen birge úıdi de  jaryp jibermek bolǵan azamatty máseleni dúısenbige deıin qaıta qaraımyz dep raıynan ázer qaıtaryp aldy. Oqıǵa ornyna jedel jetken túsirilim tobyna,  turǵyndar úıimizden aıyrylyp qalýdyń aldynda turmyz dep muńyn shaqty.

Jeke sot oryndaýshylar úıdi bosatýǵa osymen ekinshi ret kelipti. Turǵyndar baspanany bermeýge áreket jasaǵannan keıin prokýrorlar isti qaıta tekserý úshin úsh kún mursat berdi. Al úıdiń turǵyndary osydan birneshe jyl buryn ústeme paıyzben aqsha alý maqsatynda úıdi kepilge qoımaq bolǵan. Alaıda kelisken adamdarymyz ózimizdi taqyrǵa otyrǵyzdy deıdi. Aıtýlarynsha, úıdiń qujattary da sol kezde basqa bireýlerdiń atyna aýysyp, odan keıin birneshe ret syrttaı satylyp ta ketken. Úıden aıyrylsaq, shıetteı balalarymyzben dalada qalamyz ba dep sharasy taýsylǵan olar qalalyq,  appelásıalyq sotqa aryzdanypty.

- Biz sizderge kómektesemiz nesıe shyǵarýǵa dep istegenderi osy. Cotqa olardyń ózderi de kelgen joq. Ol kezde ózim naýqastanyp aýrýhanadan shyqqanmyn. Myna dańǵaradaı úıdi sý teginge bere salý sumdyq qoı. Bala-shaǵa, nemerelerimiz bar, - deıdi úıdiń turǵyny Gúlbahram Qadyrova.