Jer reformasy jónindegi komısıa otyrysynda aqyn Muhtar Shahanov osyndaı usynys tastady, - dep habarlaıdy Qamshy.kz.

«Jer týraly shyndyqty aıtqan Maks Boqaev pen Talǵat Aıandy túrmeden bosatýdy talap etemiz», - degen Muhtar Shahanov jer ıeleri, jalǵa alýshylar týraly aqparattardy jarıa etý týraly da oıyn aıtty.

«Jerdiń iri ıelenýshileri týraly aqparat memlekettik qupıa qataryna jatady. Ol týraly arnaıy zań bar. Jer ıeleri týraly aqparat olardyń kelisimimen ǵana jarıalanady eken. Elimizdiń úlken qaltalylary, úlken urylary óz jaǵdaılaryn jaqsy qarastyrǵan eken. Ondaı ádildik, abyroıdan jurdaı zańdy o dúnıege attandyrý kerek. Máselen, barlyq taýlardyń etekteri, shuraıly jerleri úlken bılik basyndaǵylardyń jaqyn týystary, inileri, qyzdary jekeshelendirip alǵan. Eger ol málimetter jarıalansa, mıllıon gektar jer ıelengen Tereshenkonyń ózi dalada qalýy ábden múmkin. Bul turǵydaǵy shyndyq ashylmaı elimizdi úlken qaýipke bólegen jer máselesiniń sheshilýi múmkin emes», - dedi Muhtar Shahanov.