Atyraýda ótip jatqan jer komısıa jumysy barysynda óńir turǵyndary depýtattarǵa qarata synı pikirler aıtty. Olardyń birqataryna Májilis depýtaty Bekbolat Tileýhan jaýap berdi, - dep habarlaıdy Qamshy.kz.

«Jer máselesi tarazyǵa túskende janymyz yshqynbasa, onda ult bolyp jarytpaımyz. Al, meni kinálaýǵa qatysty aıtarym, ol zańdar qabyldanǵanda men depýtat bolmadym. Ulttyq sportta óz betimmen júrdim. Meniń pozısıamdy bilgilerińiz kelse, men ony aıttym. Shekara aýmaǵyndaǵy jer, kepildikke qoıý týraly oılarymdy estidińizder. Áleýmettik shıelenis shaqyratyn máselelerden barynsha saq bolýy kerek. Shekaradaǵy jer máselesinde kılometrmen emes, tutastaı aýdandardy eskerý kerekpiz, Úrjar, Narynqol sıaqty aýdandardy erekshe nazarǵa alý kerek.

(...) 86-nyń jeltoqsan oqıǵasyna men de qatysqam. Polıtehtan shyǵyp, konservatorıaǵa ketýge sol sebep bolǵan. Ol keńestik ımperıaǵa qarsy bas kóterý edi. Myna jaǵdaıda ózimiz otyrǵan butaqty ózimiz aralaǵandaı bolmaıyq. Baıyppen kelmesek, keı máselede ashýǵa salynsaq, ata-babamyz ańsaǵan táýelsizdikke qaýip keltiremiz. (...) Jer qamyn biren-saran adam aıtyp júr deýge bolmaıdy. Bárimiz de qazaqpyz, bárimiz de jer úshin alańdaımyz. Sharýa sheshiletin kez bolady, sol kezde kimniń kim ekeni belgili bolady. Ol ýaqyt áli kelgen joq. Ázir meni qınamańyzdar, - dedi Bekbolat Tileýhan.