Mońǵolıanyń Baı-Ólkesindegi apattan zardap shekkenderge Qazaqstannan jiberilgen materıaldyq kómek apat ornyna jetti. Onyń ishinde jýrnalıs Berik Ýálıdiń dombyrasy da bar, – dep habarlaıdy Qamshy.kz.

Bul týraly bloger Janarbek Aqbı áleýmettik jelide jarıalady.

«Baıan-Ólgeıdegi selden zardap shekkenderdiń fotosyn ǵalamtorǵa shashtyq. Basty maqsat el bolyp qınalǵan aǵaıynǵa kómek qolymyzdy sozsaq degen ıgi tilek edi. Solardiń ishinde dombyrasy shaǵylǵan Oljastyń fotosy da ǵalamtordy sharlap ketti. Foto kóptiń nazaryn aýdardy. Tanymal jýrnalıs Berik Ýálıdi de synǵan dombyrany qushaqtaǵan balaqaıdyń fotosy beı-jaı qaldyramasa kerek. Baıan-Ólgeıge selden zardap shekkenderge qarjysyn da usynyp úsh jasar Oljas balaqaıǵa jańa dombyra alyp berip jiberipti», - dep jazylǵan áleýmettik jeli paraqshasynda.

Esterińizge salsaq, 10 shilde kúni Mońǵolıanyń Baıan-Ólgeı qalasynda sý tasqynynan 100-den astam úı qırap, 700-shaqty adam baspanasyz qalǵan bolatyn. Osy oqıǵadan zardap shekkenderge Qazaqstan azamattary materıaldyq kómek uıymdastyrdy.