Birikken Ulttar Uıymy Sırıanyń Aleppo, Daraııa, Manbıdja qalalaryndaǵy jaǵdaıǵa alańdaýly. Soǵys bolyp jatqan bul aımaqta shamamen 200 000 beıbit turǵyn bar. BUU-nyń adam quqyqtary jónindegi Joǵarǵy Komısary Zeıd Raad al-Hýseın  soǵysýshy taraptardy beıbit turǵyndar arasynda qurbandar sanyn meılinshe tómendetýge shaqyrdy, - dep habarlaıdy Qamshy.kz.

 Aleppo, Daraııa jáne Manbıdja  turǵyndary elektr jaryǵynsyz, dári-dármeksiz tirshilik etýde. Sý men azyq-túlik tapshy. Jazyqsyz adamdar kóshelerde atys kesirinen qaza bolýda. IGIL-dyń baqylaýyndaǵy keıbir oryndarda turǵyndarǵa úıden shyǵýǵa tıym salynǵan. Otbasylar mert bolǵan týystaryn zıratqa jerleýge múmkindigi bolmaǵan soń jertólelerde kómýge májbúr. «Zeıd Raad al-Hýseınniń sózinshe, Sırıa  «qańyraǵan qorymǵa» aınaldy», —  dedi, Jenevada ótken brıfıńte Joǵary Komısardyń resmı ókili Rýpert Kollvıl. Al-Hýseın áskerı qylmysty jasaýshylar kúnderdiń bir kúninde qylmystary úshin jasaýap beretinin bilgeni jón degen pikir bildirdi.