Atyraýda jeti jastaǵy Madıas ózge balalardan erekshe. Eki jasar sábı qalpynda qalyp qoıǵan  uldarynyń jaǵdaıyna ata-anasy alańdaýly. Dárigerlerdiń Madıasqa qoıǵan dıagnozy ergejeıli.  Al, anasynyń aıtýynsha, kishkentaı uldyń densaýlyǵyn qalpyna keltirýge bolady. Ol úshin kóp qarajat qajet eken, - dep habarlaıdy Qamshy.kz 31 arnaǵa silteme jasap.

Madıas Baev - Qulsary qalasynyń kishkentaı turǵyny. Týmysynan boıy óspeı qalǵan balanyń taǵdyry qıyn. Madıas Baevty bir kórgennen jeti jasta dep aıtý qıyn. Biraq, eki jastaǵy balanyń qalpyndaǵy uldarynyń qatarynan qalyp bara jatqanyna ásirese ata-anasy alańdaıdy. Al Madıastyń armany asqaq.

Shynashaqtaı uldyń «shytyrmanǵa» toly ómir baıany ózgelerge uqsamaıdy. Dárigerler Madıasqa ergejeıli, ıaǵnı medısına tilimen aıtqanda Loron Sındromy dep dıagnoz qoıǵan. Biraq, onyń boıyn ósirýge áli de múmkindik bar kórinedi. Ol úshin jalpy quny 60 myń AQSH dollary turatyn dárini qabyldaý kerek eken.

- Eseptep qaraǵan kezde, maǵan vrachtar 40 flakon jazyp berdi. Sol 40 flakonnyń ózi degen 60 myń dollar turady. Meniń oǵan qarajatym jetpeıdi. Joldasym vahtovyıda jumys jasaıdy. 15 kún jasap, 15 kún demalady. Ózimiz kvartırda turamyz. Kvartıramyzdan aýyspaıdy, - deıdi anasy Nurgúl Baeva.

«Madıastyń boıynyń jetilýi úshin barymyzdy salyp jatyrmyz, biraq, qolymyz qysqa bolyp tur» degen anasy Nurgúl eldegi jomart jandardan kómek suraıdy.