Almaty polısıasy 16 shildeden beri izdestirilip jatqan Safar Shákeevtiń tabylmaǵanyn, izdeý jumystaryna tikushaq tartylǵanyn málimdedi, - dep habarlaıdy Qamshy.kz.

İzdeý toptary qaladaǵy Esentaı ózeniniń arnasyn tekserýdi jalǵastyrýda. İzdeýge qosymsha kúshter de jumyldyrylýda.

«Qazir áýege beınabaqylaý kameralarymen jabdyqtalǵan avıasıa tehnıkasyn kóterýge daıyndalyp jatyrmyz. Tikushaq Almaty oblysynyń aýmaǵynyń ústinen ushyp ótedi. Osylaı bizde Esentaı ózeniniń tóńiregin tolyq zertteýge múmkindik týady. Buǵan deıin biz joǵalǵan jigitti polısıa atpen izdeýge kiriskenin habarlaǵanbyz. Qazir bes atty polıseı taý bókterin sholyp júr. Sonymen qatar, súńgýirler de izdeý jumysyna jumyldyrylǵan», - deıdi Almaty qalasy İİD krımınaldyq polısıa basqarmasynyń bastyǵy, izdeý sharalarynyń jetekshisi polısıa podpolkovnıgi Janbolat Zıadın.

Esterińizge salsaq, Almaty qalasynyń 1991 jyly týǵan turǵyny S. Shákeevtiń joǵalǵany týraly habar Medeý aýdandyq İİB-ge 16 shilde kúni keshki ondar shamasynda túsken bolatyn.