Búıregine qan jetpeı  hál ústinde jatqan qyzyna, anasynyń qarsylyǵyna qaramastan qan quıyldy,  - dep habarlaıdy Qamshy.kz.

-Qazir qyzdyń jaǵdaıy turaqty. Biz oǵan qan quıdyq, óıtkeni ákesi ruqsat berdi. Anasy qatty ashýlandy, biraq ne isteı alady. 20 shilde oǵan operasıa jasaldy. Biraq operasıa barysynda qyzdyń ish perdesiniń múmkindik bermeıtini anyqtaldy. Qazir ol gemodalızde, oǵan búırek transplantasıasy qajet, - deıdi Astana qalalyq Búırek ortalyǵynyń jetekshisi Venera Altynova.

Onyń aıtýynsha, dárigerler qyz bala qabyldaıtyn preparat dozasyn ulǵaıtýǵa májbúr bolǵan. Gemoglobın qalypty deńgeıde. Biraq ol jaǵymsyz áreketken ákelýi múmkin, sondyqtan qazir doza tómendetilgen.

-Qazir aýyr anemıa joq, gemoglobın qalypty, biraq azaıý úrdisi bar. Qyzdyń júrek jetkiliksizdigi – sozylmaly jáne aýyr anemıa. Oǵan búırek donory qajet, ol qazir bolmaı tur. Sondyqtan naýqas donordy aýrýhanada kútedi, úıine shyǵarylmaıdy, - deıdi Venera Altynova. 

Esterińizge sala keteıik, «Iegova kýágerleri» uıymynyń beldi múshesi, jalǵyzbasty ana Almatydan búıregine qan jetpeı  hál ústinde jetkizilgen qyzyna qan quıdyrýǵa qarsylyq tanytyp, Astanadaǵy ana men bala ortalyǵynda úlken janjal ıýyndaǵan bolatyn.

Osy kezde  onsyz da bir búıregi joq   11 jasar Daıananyń gemoglobıni tómendep, ólim  men ómirdiń ortasynda jatty. Áıeldi raıynan qaıtara almaǵan Ana men bala ortalyǵynyń basshylyǵy polısıa, prokýratýra jáne bala quqyǵyn qorǵaý komıtetine aryz bergen.

Oqıǵa oryn alǵan kezde qoldaý kórsetý úshin  «Iegova kýágerleri» uıymynyń músheleri ortalyqqa kelip, qan quıdyrmaýǵa jantalasyp júrgen edi.