Qoǵamdy dúr silkindirgen Esentaeva oqıǵasy oryn alǵaly mine, tup-týra 1,5 aı. Bul ýaqyt aralyǵynda Baıan Esentaeva jumysynda da, áleýmettik jelilerde de "úzilis" jarıalady.
Baıannyń kishi qyzy Aıarý otbasyndaǵy oqıǵany kótere almaı júrgende, densaýlyǵy qalypqa kelgen anasy oǵan óz ata-anasymen birge shetelge demalyp qaıtýdy josparlap otyr.
"Jaz naǵyz demalatyn ýaqyt. Aıarý ata-anammen birge Rixos Premium Belek keshenine demalýǵa baryp, “The Land of Legend” saıabaǵynda kóńil kótermek. Demalysy týraly Aıarýdyń ózi tolyǵyraq aıtyp beredi. Onyń paraqshasyn jiti baqylap otyryńyzdar. Ol jerde pozıtıvtiń kóp bolary anyq!", – deıdi Baıan Esentaeva ınstagram paraqshasynda.
Sondaı-aq, prodússer qyzý jumysqa kiriskeninen habar berip, "Lashyn" tobynyń keremet án daıyndap jatqanyn habarlady.
Prodússerdiń tilekshi jankúıerleri men jeli qoldanýshylary oǵan densaýlyq tilep, jumysyna kiriskenine qýanyshty ekenderin jetkizýde.
Esterińizge sala keteıik, onynshy maýsym kúni Qulja tasjolynyń boıynda Baıan Esentaevany kúıeýi aýyr soqqyǵa jyǵyp, pyshaqtap tastaǵan bolatyn.
Belgili bolǵandaı, Baqyt Esentaev sol kúni mas bolǵan. Ol ýaqytsha oqshaýlaǵyshqa qamaýǵa alynyp, Qylmystyq kodekstiń 99 baby boıynsha áıelin óltirmek boldy degen kúdikke ilindi.
