Búgin tańerteń Almatynyń Arbatynda órt shyqty. Ol týraly habar órt sóndirýshilerge saǵat 07.49-da túsken, - dep habarlaıdy Qamshy.kz tengrinews.kz – ke silteme jasap.
Panfılov kóshesindegi shatyryn órt shalǵan ǵımaratqa «Halyqaralyq D. Qonaev qory» Qoǵamdyq qory ornalasqan bolyp shyqty.
Tilsiz jaý 09.26 saǵatta óshirildi. Órt shalǵan aýmaq kólemi 150 sharshy metrdi quraǵan. TJD baspasóz qyzmetiniń habarlaýynsha órtti sóndirýdi ǵımarat mansardynyń kúrdeli josparlanýy men eki qabatty metal jabyndylar qıyndatqan kórinedi. Órtti sóndirý kezinde qordan materıaldyq qundylyqtar syrtqa shyǵaryldy.
Jibek joly men Panfılov kósheleriniń qıylysyndaǵy bul ǵımaratta Qonaev qorynan basqa meıramhanalar da ornalasqan.
