Sırıada soǵysyp júrgen aqtóbelik jigit syrttaı qamaýǵa alyndy, - dep habarlaıdy Qamshy.kz KTK arnasyna silteme jasap.
25 jastaǵy Rýslan Qýanov osydan úsh jyl buryn Mysyrǵa arabsha úırenip, dinı bilim alýǵa kettim dep týystaryn aldaǵan. Biraq qaı ýnıversıtette oqyp júrgenin aıtpapty.
Keıin belgili bolǵandaı Rýslan Sırıadaǵy sodyrlardyń qataryna qosylǵan. Onymen qoımaı, áleýmettik jeliler arqyly elimizdegi tanystaryn qarýly qaqtyǵysqa qatysýǵa shaqyrypty. Qazir Qýanovqa halyqaralyq izdeý jarıalandy. Ustalǵan jaǵdaıda sotqa súırep júrmes úshin tergeýshiler aldyn ala sanksıa alýdy jón sanaǵan. Ol úshin qalalyq sotqa ótinish túsirip, syrttaı sheshim shyǵaryp berdi.
-Qýanvoqa qatysty kúzetpen ustaý túrindegi bultartpaý sharasyna sanksıa berý týraly ótinish qanaǵattandyrylyp, ustalǵan kúnen bastap eki aı merzimge kúzetpen ustaý túrindegi bultartpaý sharasyna sanksıa berildi, - deıdi Aqtóbe oblystyq sotynyń baspasóz hatshysy Anar Aıtjanova.
