Jezqazǵanda "sýyq qarý men jarylǵysh zattary bar terrorıster ustalyp jatyr" dep, búkil qalany dúrliktirgen aqparat jalǵan bolyp shyqty. Jurttyń úreıin alǵan habarlamany "WhatsApp" jelisi arqyly 29 jastaǵy áıeldiń taratqany da anyqtaldy. Jalǵan aqparaty úshin endi ózi de jaýapqa tartylatyn bolady, - dep habarlaıdy Qamshy.kz 31 arnaǵa silteme jasap.
Budan ózge onyń "lańkesterden qarý jáne jarylǵysh zattar tárkilenip jatyr" degen aqparatty da taratqany anyqtalǵan. Habarlamany teksergen polıseıler onyń shyndyqqa janaspaıtynyn aıtady. Al jalǵan aqparat tartqan 29 jastaǵy áıel kinásin tolyq moıyndady. Qazir azamatshadan túsinikteme alynyp jatyr. Tártip saqshylary jalǵan aqparat taratqan adamdardyń zańmen jazalanatynyn taǵy eskertedi. Qoǵamda dúrbeleń týǵyzatyn jel sóz tartqandar bes jylǵa, qaýipti kezde qasaqana aqparat taratqandar 10 jylǵa deıin sottalýy múmkin.
- Qazir ustalǵan azamatsha tolyqtaı kinásin moıyndap otyr. Tergeý júrgizilýde, - deıdi Qaraǵandy oblystyq İİD MTAB basshysynyń mindetin atqarýshy Batyrhan Smaılov.
