Qazaqstandyq shoý bızneste kóńil jarastyryp, artynsha aıyrylysqan juldyzdar óte kóp, - dep jazady Qamshy.kz Stan.kz -ke silteme jasap.
Qos ǵashyqtyń ekeýi de tanymal bolǵandyqtan, ádette bul aıyrylýsýlar jurt nazarynda bolady. Olaı bolsa, mahabbattarynyń ǵumyry qysqa bolǵan juldyzdy juptardy eske alyp kóreıik.
Asqat Sadyrbaı men Erke Esmahan
Telejúrgizýshi Asqat Sadyrbaı men ánshi Erke Esmahan 2011 jyly nekelerin zańdastyryp, otbasyn qurǵan bolatyn. Jastar Erke “İńkár” tobynyń quramynda án salyp júrgende-aq tanysqan. Araǵa bir aı salyp Asqat Eskege usynys jasaıdy. Juldyzdy jup úılený toılaryn dúrkiretip atap ótedi. Biraz ýaqyttan keıin dúnıege Múslim esimdi uldary keledi. Taǵy da biraz ýaqyt ótken soń ekeýi de aıyrylysý týraly sheshim qabyldaıdy.
“Asqat ajyrasqan kezimizde bar syılyǵyn túgendep alyp qaldy. Syrǵa, saqına mende onyń eshqandaı zaty qalmady. Minezi sondaı. Menen keıin bir úılenip ajyrasty. Sol kezde qaıta qosylýǵa da kelgen. Men eshteńe shyqpaıtynyn túsinip kelispedim. Endi oǵan “maıdalyqty” qoıý kerek dep keńes beremin. Er minezdi, iri bolsa osy otbasy saqtalady dep oılaımyn”, – deıdi Erke Esmahan “Syrlasý” baǵdarlamasyna bergen suhbatynda.
Jandos Aıbasov pen Aısulý Ázimbaeva
Akterler Jandos Aıbasov pen Aısulý Ázimbaeva qazaqstandyq shoý bıznestiń eń jarasymdy juptarynyń biri bolǵan. Olardyń tańdaýlarynda ǵana emes, syrtqy kelbetterinde de uqsastyq bolatyn. Tipti Mysterions tobynyń beınebaıanyna birge túsken bolatyn. Jurt toı bolatynyna senimdi júrdi.
Bul jaǵdaı týraly Jandos suhbattarynyń birinde aıtyp ótken bolatyn. “Aramyzda túsinbestik ornady. Biz ary qaraı qarym-qatynasymyzdyń durys órbimeıtinin túsindik. Ókinishti. Sebebi, bizdi kóp nárse baılanystyrǵan edi”, – deıdi ol. Dál qazir akter sýretshi Marına Karpykovamen kezdesip júr. Al Aısulý jeke ómiri jaıly aıtpaýdy jón kóredi. Dese de, jurt ony áriptesi Shyńǵys Kapınge qosyp júr.
Bıbigúl Aqtan men Sheráli
Olar “Artyq áńgimesiz” atty telehıkaıada ǵashyqtardyń rólin somdaǵan bolatyn. Osydan keıin kóńil jarastyryp, shetelde birge demaldy. Instagram jelisindegi paraqshalarynda kúndelikti jańalyqtaryn bólisip otyrdy. Bir-birlerin qalaı jaqsy kóretinderi týraly da túrli jazba jazdy. Alaıda ýaqyt óte kele juldyzdy jup aıyrylysý týraly sheshim qabyldaıdy.
Buǵan ne nárse sebep bolǵany osy kúnge deıin belgisiz. “Menen “Bıbigúl ekeýiń kezdesip júrsińder me?” dep suraıdy. Men aramyzda sezim bolǵanyn jasyrmaımyn. Biraq dál qazir biz kezdesip júrgen joqpyz”, – deıdi Sheráli. Kóp adam Bıbıgúldiń shataq minezi sebep boldy dep boljaýda. Munymen qatar, aktrısa birneshe jyl buryn Ivan Býrmıstrov esimdi reseılik azamatqa turmysqa shyqqan bolatyn. Zańdy túrde aıyrylysyp ketse kerek, búginde ol jalǵyz júr.
Nurjan Kermenbaev pen Janar Hamıtova
Otandyq SuperStar jobasy aıaqtalǵan soń Nurjan Kermenbaev pen Janar Hamıtova “Arnaý” tobynyń quramynda óner kórsetti. Bastapqyda prodúser dýettiń arasyndaǵy mahabbat oty jaqsy pıar bolady dep oılaǵan. Artynsha eki ánshi de shyn ǵashyq bolǵandaryn sezip, kóńil jarastyrǵan. Halyq toı bolady dep kútken-di. Alaıda juldyzdy jup kóp uzamaı aıyrylysyp ketedi. Janar Hamıtova toptan ketip, ony Saltanat Baqaeva almastyrady. Búginde Janar shoý bıznes áleminen ketken, al Nurjan byltyr úılenip, otbasyn qurdy. Bir uly bar.
Ivan Breýsov pen Dilnaz Ahmadıeva
Olar kóp jyl buryn kezdesken. Qarym-qatynastary 4 jylǵa sozylyp, úılený toılaryn josparlaǵan bolatyn. Biraz ýaqyt ótken soń ekeýi de bir-birlerine saı kelmeıtinin túsingen. “Iá, Ivan ekeýimiz aıyrylystyq. Alaıda osy kúnge deıin jaqsy dos bolyp syrlasamyz” deıdi Dilnaz Ahmadıeva suhbattarynyń birinde. Ivan Breýsov “Bıonık” tobynyń eks solısimen kóńil jarastyryp, byltyr áke atanyp úlgerdi.
Al Dilnaz kúıeýimen ajyrasty. Ázirge jańa súıiktisin eshkimge kórsetpeı júr. Jurt bir kezderi Ivan men Maqpal Isabekovany da qosqan bolatyn. Alaıda búginde úsheýi de dos bolyp qalýdy uıǵarǵan.
Týral Everest pen Kárıma Mutyrǵanova
Ánshi Týral men Kárıma Mutyrǵanovanyń qarym-qatynasy uzaqqa sozylmady. Dese de, jurt olardy jiti baqylap júrdi. Qos ǵashyq denelerine birdeı tatýırovka da saldyryp úlgergen bolatyn. Aıyrylysqan soń Kárıma tatýrovkasynyń jan-jaǵyna oıýlar qostyryp, ony baıqatpaýǵa tyrysqan. Olardyń ne sebepti aıyrylysqany belgisiz. Dál qazir Týral Altyn Girls tobynyń burynǵy ánshisimen kezdesip júr. Munymen qatar, Murat Mutyrǵanovpen de qarym-qatynasy oıdaǵydaı.
Aıgúl – Sábıt – Altynaı
Jurt áli kúnge deıin Aıgúl men Sábıttiń nekelesip, artynsha ajyrasyp ketkenderi týraly jıi aıtady. Sábıt kóp jyl boıy óziniń Aıgúlden týǵan balasymen aralaspaǵan eken. Artynsha Aıgúl balasyna ákesi týraly aıtyp, aralasýlaryna ruqsat bergen. Tipti, aktrısa otandyq baǵdarlamalardyń birinde ákesiniń ulyn maqtap, onyń tekti jerdiń urpaǵy ekenin aıtqan bolatyn.
Endi jurt Aıgúl men Sábıt týraly emes, keıingisi men Altynaı ekeýiniń qarym-qatynasy týraly aıtyp jatyr. Jeli qoldanýshylary olardy ajyrasyp ketti dep boljaǵan. Sebebi, Altynaı bala-shaǵasymen birge Astanada, al Sábıt Almatyda turyp jatsa kerek. Ekeýi de bul týraly ázirge ashyp aıtaǵandyqtan, naqty aıtý qıyn.
