Astananyń Almaty aýdanynda túngi ýaqytta № 29 mektep órtendi, - dep habarlaıdy Qamshy.kz Tengrinews.kz - ke silteme jasap.

QR İİM-niń Tótenshe jaǵdaılar komıtetiniń resmı ókili Rýslan Imanqulovtyń aıtýynsha, órt týraly habar dıspecher púltine saǵat 1.12-de túsken. Oqıǵa ornyna jetken órt sóndirý qyzmeti órttiń jaıylýyn 2.17-de toqtatyp, 3.14-te tolyǵymen sóndirgen. 

"Órt ekinshi qabattaǵy akt zalynan shyqqan. Ǵımarattyń tóbesi men shatyry órtengen. Aldyn ala málimetter boıynsha, órttiń aýmaǵy 500 sharshy metrdi quraıdy. Qaza tapqandar men jaraqat alǵandar joq", - dep atap ótti Imanqulov.

Órtti sóndirýge Astana qalasynyń órt sóndirý qyzmetindegi jeke quramnyń 59 adamy jumyldyrylǵan. Qyzmetkerler 16 arnaıy tehnıkany iske qosqan. Órttiń neden shyqqany anyqtalyp jatyr.