Árbir tabysty adamnyń artynda ony súıetin, qoldaıtyn otbasy bolatyny belgili. Shoý-bıznestegi myrza-bıkeshterdiń ómirlik serigi kóp jaǵdaı syńarynyń shyǵarmashylyǵyn qoldaý maqsatynda «kóleńkede» qalyp qoıady. Sonymen, Qamshy.kz ZTB –ge silteme jasap, qazaq sahnasyndaǵy jubyn jasyratyn juldyzdardy tizbekteıdi.

"Arnaý" tobynyń ánshisi Saltanat Baqaevanyń joldasy - Nurjan

Saltanatty joldasy Nurjanmen týǵan qaıynbıkesi Darıa Júsip tanystyrǵan. Bastapqyda jigit boıjetkenge mán bermegen. Arada bir aı ótken soń ǵana telefon shalyp, kezdesýge shaqyrǵan. Sodan beri juptary jazylmaǵan jas otbasy búginde Ámir jáne Ádil esimdi uldaryn tárbıelep otyr. Baqaevanyń joldasy Nurjannyń jeke kásippen aınalysatyny, noýtbýk jqndeıtin shaǵyn fırmasy bary belgili.

Aıqynnyń jary - Ásel Tólepbergen

Aıqyn óziniń jaryn el kózinen kóp ýaqyt jasyryp keldi. Bul jup ýnıversıtet qabyrǵasynda 3 kýrsta oqyp júrgende tanysqan. Ásel Aıqynǵa nazar aýdara qoımaǵan. Bir kúni Aıqyn fortepıanoǵa otyryp, tarta bastaǵanda ǵana boıjetken bolashaq "juldyzǵa" kóńil aýdarǵan. Búginde bul otbasy eki bala tárbıelep otyr.

Ánshi ári prodússer Rano Ýmarovanyń joldasy - Arman

Rano Ýmarovanyń joldasy jurt nazaryna iligýdi unatpaıtyndarldyń qatarynan. Sondyqtan ánshi joldasymen birge túsken sýretterin jıi jarıalamaýǵa tyrysady. Búgingi taǵda bul jas ata-ana Ámirhan esimdi uldy tárbıelep otyr.

Akter Sanjar Madıevtyń jary - Móldir Madıeva

Sanjardyń jary Móldir ekonomıs bolyp jumys isteıdi. Olar kezinde ortaq dostary arqyly tanysqan. Búginde akter áıelin artyq áńgimeden qorǵaý maqsatynda jeke ómiri týraly jarıa ete bermeıdi.

Ánshi Dınara Qyryqbaevanyń joldasy - Oljas

Ánshi Dınara Qyryqbaeva ótken jyldyń shilde aıynda turmysqa shyqqan bolatyn. Ony qolyna qondyrǵan seriniń esimi - Oljas. Turmysqa shyqqannan keıin ánshi sahnadan ýaqytsha ketip, ózin tolyqtaı otbasylyq ómirge arnaǵan. Búginde kishkentaı qyzy bar ánshi merekelik sharalardy uıymdastyrý agenttigin ashyp alǵan.

Ánshi Beıbit Kýshkalıevtiń jary - Maqpal Dakeeva

Beıbit Kýshkalıevtiń otbasyly ekenin kóp adam bile bermeıdi. Onyń jary Maqpal týraly da kóp derek joq. Belgilisi bul otbasy Aısha esimdi qyz ben Abdýrrahman esimdi ul tárbıeleýde.

Aktrısa Qarlyǵash Muhamedjanovanyń joldasy - Bekbolat

Aktrısa Qarlyǵash Muhamedjanova 2012 jyly turmysqa shyqqan. Olyń joldasy kásipker - Bekbolat Balǵymbaev. Toıǵa deıin jastar eki jyl kezdesip júrgen. Aktrısa joldasy men jeke ómirin jarıa ete bermeıtinderdiń qatarynan.

"MýzART" tobynyń ánshisi Meırambek Bespaevtyń jary - Marhabbat Bespaeva

"MýzART" tobynyń ánshisi Meırambek Bespaev uzaq ýaqytqa deıin jeke ómiri týraly kóp jasyrdy. Onyń jary Marhabbat týraly kóp nárse belgili emes. Bul áıel ózin tolyqtaı otbasyna arnaǵan: balalardy tárbıelep, tanymal joldasynyń babyn jasap, úıde otyrady.

Ánshi Madına Sadýaqasovanyń joldasy - Oljas

Madınasy bolashaq joldasy Oljas Smaǵulovpen 2009 jyly túsirilim kezinde tanysqan. Birden nazar aýdara qoımaǵan ánshige Oljas SMS jazyp, bir býket gúl syılaýǵa ruqsat suraǵan.Bári osydan bastalyp, jastar 2014 jyly úılengen. Oljas Smaǵulovtyń "Habar" arnasynda rejıser bolyp jumys isteıtini belgili. Búginde eki jastyń bir balasy bar.

Ánshi Nurjan Kermenbaevtyń jary - Nazerke Kermenbaeva

Nurdan Kermenbaev 2015 jyldyń naýryz aıynda úılengen. Ánshi bolashaq jarymen Taraz qalasynda ótken konsertte tanysqan. Nazerke ánshiniń týǵan kúnine syılyq jasaý úshin kezdesken. Kóp uzamaı Nurdan qyzdy Almatyǵa shaqyryp, anasymen tanystyrady. qazir jas otbasy Músilim esimdi ul tárbelep otyr.

Ánshi Móldir Áýelbekovanyń joldasy - Arystan

Móldir Áýelbekovanyń joldasy Arystan shyǵarmashylyqtan alys adam. Degenmen jarynyń shyǵarmashylyǵyna árdaıym qoldaý bildirip otyrady. Áýelbekova da áleýmettik paraqshalaryna jeke ómiri týraly jaza bergendi jón kórmeıdi.

Akter Dasten Shakırovtyń jary -  Botagóz Isaǵulova

"Reketır-2" fılmi arqyly tanylǵan Dasten Shakırov pen qazaqstandyq dızaıner Botagóz Isaǵulova ótken jyly bas qosqan. Dastenniń aıtýynsha, áıel adam eriniń aıtqanyn isteý kerek, óıtkeni er - otbasynyń basshysy. Botagóz Shakırovter otbasynynń berekesi men tynyshtyǵyn saqtaýshy.

Aktrısa Aınur Ilásovanyń joldasy - Daýlet

Aktrısanyń óziniń aıtýynsha, joldasy Daýlettiń shoý-bızneske qatysy joq. olar ortaq dostary arqyly tanysyp, tabysqan. Aınur Ilásova da jeke ómiri týraly aıta bermeıtinderiń qataryna jatady.

Ánshi Tóreǵalı Tóreáliniń jary - Tolqyn Myrzakımova

Ánshi Tóreǵalı Tóreáli 2014 jyldyń soǵynda Tolqyn esimdi arýǵa úılengen. Ánshi osy ýaqytqa deıin otbasyly ekenin jasyryp keledi.