Almatyda 18 shilde kúni qandy qyrǵyn jasaǵan Rýslan Kúlikbaev ózin tergep jatqan polıseılerge osylaı degen. Bul týraly Qamshy.kz 31-arnaǵa silteme jasap habarlaıdy.
Bul kadrlar - Maqsat pen Móldirdiń baqytty sátteriniń úzikteri. Polısıanyń kishi serjanty Maqsat Sálimbaevtyń shańyraq qurǵan toıynyń kýási bolǵan sýretter ǵana - ótken kúnnen belgi beredi. Olar baqytty edi ol kezde. Qos jastyń móldir mahabbatynan dúnıege kelgen Aıarý qyzdarynyń da jasqa tolý qýanyshyn kóppen bólisken edi. Ekinshi kishkentaılarynyń dúnıege kelýin kútip júrgen kezde baqytty shańyraq qara jamyldy. Beıbit kúnde shaǵyn shańyraqtyń otaǵasy oqqa ushty.
QYZǴALDAQ SÁLİMBAEVA, Marqum Maqsat Sálimbaevtyń anasy:
- Týǵannan men gaıshnıkpin dep maqtanatyn. Áskerge baryp keldi, «DVD-da» istedi «GAI-ge» aýysty. Buıyrmaǵan shyǵar. Úsh aı qyzmet istedi.
Kúndegi ádetimen jumysyna kúlip ketken Maqsat sol ketkennen úıine, ata-anasyna, ózin "aǵalap" aıryqsha jaqsy kóretin qaryndasyna, kishkentaı qyzy men súıikti jaryna oralmady. Oraltpady ony. Sálimbaevtardan ózge taǵy bes shańyraq qara jamyldy. Alty úıde analar joqtaý aıtyp, balalar ákelerin izdep, jylady. Beıbit kúnde azamattarymyz oqqa ushyp, qyrshyn ketken bozdaqtardy eli aqtyq saparǵa shyǵaryp saldy. Osynshama otbasy azamatynan, baýyrynan, ulynan, ákesinen qapyda kóz jazyp qaldy.
AITBAI NURIMANOV, Marqum Ǵanı Nurımanovtyń ákesi:
- Ana eki nemerem bar. Sol eki qanatym aman bolsyn. Solaryma arqa súıep, kishkene tiri otyrmyn. Áıtpese baıaǵyda ólip ketetin em.
Qandyqol qylmyskerdiń qolynan jaraqat alǵan taǵy segiz azamat aýrýhana tósegine tańyldy. Aınalasy 24 mınýttyń ishinde qoly qaltyramaı, qanshama polısıa qyzmetkerine oq jaýdyryp, qalada qarýymen emin-erkin qylmysyn júzege asyrǵan Rýslan Kúlikbaev kim? Ústinen qylmystyq kodekstiń 8 birdeı baby boıynsha is qozǵalǵan kúdikti jasaǵan qylmysy úshin, áli de ókinip otyrmaǵan syńaıly. Bul týraly polısıa qyzmetkerlerimen tildesken kúdiktiniń áıeli aıtyp berdi.
AIAÝLYM ÚMBETQULOVA, Rýslan Kúlikbaevtiń áıeli:
- Allahqa ýáde bergem dep, túrmeden aman alyp shyqsań, men erteń búkil menttardy qyram dep.
Aıaýlym Úmbetqulovanyń sózinshe, Kúlikbaev ózin tergep jatqan quzyrly organ qyzmetkerlerine, "kesh bolmaı turǵanda, óltirip tastańdar, bul ber jaǵy" dep ses kórsetken kórinedi. Tipti, eger polısıa bólimshesinde ǵımaratqa kirýge bóget temir esik bolmaǵanda, qurbandardyń sany budan da kóp bolar edi" - degen kórinedi. Polısıa, prokýratýra, sot qyzmetkerlerine osynshama óshigetindeı Kúlikbaevta qandaı sebep boldy?
AIAÝLYM ÚMBETQULOVA, Rýslan Kúlikbaevtiń áıeli:
- Sosyn taǵy da armatýra jutypty. İshinde úlkeen shram bar eken. Suradym bul ne. Túrmede aýyr boldy, sol kezde armatýra jutyp, ishime operasıa istetkem dedi.
Osy qylmysyna deıin de eki márte túrmege otyryp kelgen kúdiktiniń bul sońǵy shyqqan kezinde jylap otyryp, aıtyp bergeni, - deıdi Aıaýlym. Biraq Kúlikbaev ashylyp áńgimesin aıta qoımaıtyn adam, sózge shorqaq-tyn, - deıdi áıeli. Al, Kúlikbaevtiń anasynyń telefonyna qońyraý shalǵanymyzda, baýyry Nurlan kóterdi. Anasynyń sońǵy jaǵdaılarmen baılanysty, aýyryp jatqanyn aıtqan Nurlan Kúlikbaev, inisiniń minezinen sońǵy kezde ózgeris baıqamaǵanyn aıtady.
NURLAN KÚLİKBAEV, Rýslan Kúlikbaevtyń aǵasy:
- Baýyryńyzdyń minezi qandaı edi? - Salmaqty jaqsy bolatyn. 16 jasynan namaz oqydy ma?
- Bilmeımin, ol úıde turǵan emes. Almatyda turdy. Sońǵy kezderi minezindegi ózgeristi sizder baıqadyńyzdar ma?
- Jo joq, jaqsy tuǵyn.
Al, Almatydaǵy atyshýly oqıǵadan úsh kún buryn kúıeýiniń qasynda bolǵan Aıaýlym Úmbetqulova bolsa, túrmege sońǵy otyryp kelgeli beri, minezi de tym ózgerip ketti, qaıda baryp-keletinin de suraýdan qaldym. Óıtkeni, ol suraǵyma taıaqpen jaýap beretin degen Aıaýlym, sońǵy kezdesýlerinen burynǵy otbasylyq kıkiljiń, kúıeýimniń maǵan májbúrli túrde nıhab kı degen talabymen baılanysty bolatyn deıdi.
AIAÝLYM ÚMBETQULOVA, Rýslan Kúlikbaevtiń áıeli:
- Sen menimen turatyn bolsań, nıhab kıesiń dedi. Kózińdi bylaı qaldyryp, paranji kıesiń dedi.
Sondaı-aq Aıaýlym Úmbetqulova, kúıeýiniń birde-bir dosyn tanymaıtynyn, tipti kórmegenin aıtady. "Óıtkeni, ol eshqashan meni qonaqqa barǵanda da qasyna ertpeıtin. Tipti, ekeýimizdiń de aýzymyz berik bolǵanda, aýyzasharǵa shaqyrǵan jerge jalǵyz baratyn" - deıdi. Tek osy aıtqandaryma tergeýshiler kúmán keltiredi, tipti maǵan ses kórsetip jatyr deıdi.
AIAÝLYM ÚMBETQULOVA, Rýslan Kúlikbaevtiń áıeli:
- Zań aldynda menimen adam sıaqty sóılesse eken dep. Sen jena terrorısta dep kózimdi shuqıtyndaı, men muny qalap alǵan joqpyn ǵoı. Oǵan Almatyny qyrsyn degen joqpyn ǵoı.
Kúlikbaevqa nege kóp toqtaldyq? Óıtkeni, resmı túrde onyń áreketi lańkestik dep tanylǵanymen, kóptiń kóńilinde kóp kúdik qaldy. Birinshiden, ol beıbit turǵyndardyń arasymen erkin júrse de, qarýyn kóbinde polısıa qyzmetkerlerine kezendi. Onyń o bastaǵy maqsaty men kózdegeni basqa adamdar bolǵanyn ishki ister mınıstri de arnaıy málimdegen-di.
AIAÝLYM ÚMBETQULOVA, Rýslan Kúlikbaevtiń áıeli:
- Pervaıa mysl byla ýbıt sýdeı. Chto ego nepravılno osýdılı. Zachem ty v grajdanskogo strelál?! On schıtaet chto on polıseıskıı. Zachem ty ýbıl na Abaıa cheloveka? On govorıt on pokazal dokýment, pytalsá mená ostanovıt, ıa ego rasstrelál.
Onda jalǵyz júrip qanshama polısıa qyzmetkerin jaıratyp salǵan atqyshtyń bul áreketi lańkestikten góri, kek alýǵa kelińkireıdi. Biraq Ulttyq qaýipsizdik komıtetiniń tóraǵasy onyń salafızm aǵymy ókilderimen túrmede jatyp, aýyz jalasqanyn aıtqanymen, qylmystyq atqarý komıteti bul pikirmen kelispegen edi. Al, aýǵan soǵysynyń ardagerleri bolsa, Rýslan Kúlikbaevtyń kásibı atqysh emestigin aıtady. Tek oǵan tótep berýge ázir bolmadyq dep otyr.
MURAT ABDÝSHKÝROV, Aýǵan soǵysynyń ardageri:
- Jaqyn qashyqtyqta jáne adam kóp shoǵyrlanǵan jerde nysanaǵa dóp tıgizý asa qıyndyq týdyrmaıdy. Onyń ústine, ol sportpen aınalysqan. Onyń tapanshasynda oq taýsylyp qalǵan. Áıtpese, adam shyǵyny budan da kóp bolýy múmkin be edi. Qysqasyn aıtqanda, qoǵam da, kúshtik qurylymdar da daıyn bolmady mundaıǵa.
Al, kúni keshe marqum Maqsat Sálimbaevtyń áıeli Móldir aýrýhanadan shyqty. Júktiliginiń tórt aılyǵynda qaraly habardy kótere almaǵan kelinshek, densaýlyǵy syr berip, medısınalyq mekemege túsken eken. Onyń ústine, segiz aı buryn týǵan ákesinen aıyrylǵan Móldir, ózine demeý bolǵan súıiktisinen kóz jazyp qalǵanyna áli de senbeıdi. Aıarýyna da ákesiniń joqtyǵyn estirtpepti.
Bizdiń bilýimizshe, Rýslan Kúlikbaevtyń jaqyndaryna Baıqońyrdyń aýmaǵynan shyǵýǵa tyıym salynǵan. Tergeý amaldary bitkenshe, kórshi aýylǵa da shyǵa almaı otyrǵanǵa uqsaıdy. Al, Kúlikbaevtyń qolynan birinshi bolyp qaza tapqan 1985 jylǵy Ózbekstandyq azamatsha Sadyqovanyń denesin týystary eline alyp ketken. Qylmyskerdiń áıeliniń aıtýynsha, Kúlikbaev, qaıtys bolǵan azamatshaǵa "Ramazan aıynyń bas jaǵynda ekinshi márte jeńil júrispen aınalysqanyńdy kórsem, óltiremin" dep aldyn-ala eskertken de kórinedi. Osy oraıda Kúlikbaevtyń zańdy áıelinen ózge taǵy nekedegi basqa áıeli bolǵany da belgili boldy. Bul týraly kúdiktiniń zańdy áıeli polısıa qyzmetkerlerinen estipti. Bul iste áli anyqtalyp úlgermegen, aıqyn bolmaǵan derekter óte kóp. Belgili bir ǵana jaıt bar - qolyna qarý alǵan bir ǵana qylmysker aınalasy 24-aq mınýttyń ishinde Almatynyń astan-kesteńin shyǵardy.
