Sońǵy kezde djıhadshylardyń úndeýin júzege asyrý maqsatynda «Islam memleketi» uıymy (DAISH - QR aýmaǵynda zańmen tyıym salynǵan uıym - red) jaqtastarynyń Eýropa elderinde jasaǵan terrorlyq shabýyldary jıilep ketkendigi belgili. «Islam memleketiniń toby Fransıaǵa soǵys jarıalady. Men sizderge shyndyqty aıtýǵa mindettimin: bul soǵys uzaqqa sozylady», - dedi el Prezıdenti Fransýa Olland Sent-Eten-dú-Rývre qalashyǵyndaǵy shirkeý mańynda sóılegen sózinde. Bul Qamshy.kz týraly habarlaıdy.

Seısenbi kúni Fransıada hrıstıan shirkeýine eki er adam basyp kirip, 86 jastaǵy sváshenıkti mert qylǵan. «Segodná. ua»-nyń jazýynsha, bul Fransıa tarıhynda ıslamıster tarapynan hrıstıan shirkeýine jasaǵan  alǵashqy terrakt.

«Daily Mail» taratqan málimet boıynsha, sońǵy eki jylda Eýropada terrorıster qolynan 443 beıbit turǵyn qaza tapqan. Bıylǵy jyldyń basynan beri 172 adam dúnıe salǵan. Qaza tapqandardyń kóbisi (155) Parıjde, odan keıin tizimde Ankara (102) men  Nıssa (84) tur. Parıj ben Nıssadan bólek Fransıanyń Manánvıl, Rýan, Lıon sıaqty shaharlarynyń turǵyndary da terrorlyq áreketten japa shekken.