Birazdan beri Astananyń da kóp kóshesi birbaǵytty júrý erejesine kóshken bolatyn. Jeltoqsan, Áýezov, Kenesary, Abaı kóshesi qazir bir baǵytta ǵana qyzmet kórsetedi. Myna tómendegi vıdeoda Almaty qalasyndaǵy birbaǵytty kóshelerdiń birinde qarsy betke shyǵyp ketken jigittiń eregesi beınelengen, - dep habarlaıdy Qamshy.kz baq.kz – ke silteme jasap.
Aıtpaqshy, vıdeoda «saqaldy seriniń» aýzynan shyǵatyn boqaýyz sózder baryn eskertip qoıaıyq!
Sonymen qatar, bul vıdeony bólisken Ekaterına Saǵymbaeva esimdi áleýmettik jeli qoldanýshysy bylaı dep jazady:
«Myna oqıǵany sizdermen bóliskim keledi. Búgin keshki saǵat 17:40 shamasynda kúıeýimmen birge Saryarqa kınotaetry men bazardyń ortasyndaǵy birbaǵytty jol belgisi qoıylǵan kóshemen kele jatqanbyz. Qarsy betten bir er azamat óz kóligimen qarsy jolyǵyp, bizden ózin ótkizýimizdi surady. Qalaı bolǵanyn vıdeodan kórip alarsyzdar» - delingen Ekaterınanyń jeke paraqshasynda.
Eregesip turǵan jigittiń shoqsha saqalyna, qysqa balaǵyna qarap, namaz oqýdy "moda" qylǵanyn baıqaý qıyn emes. Dese de, osyndaı órkókirek azamattardyń kesirinen qazaq jigitterdiń abyroıyna nuqsan kelip jatqany ótirik emes. Al saqal qoıǵandardyń barlyǵy salıqaly, sholaq balaqtyń barlyǵy shirkin-aı emestigin osydan kórýge bolady.
