Soltústik Qazaqstan oblysynda Tótenshe jaǵdaılar qyzmetkerleri ormanǵa sańyraýqulaq jınaýǵa ketip, qaıtyp oralmaǵan 61 jastaǵy Petropavl turǵynyn 24 shildeden beri izdep jatyr, dep habarlaıdy Qamshy.kz BNews.kz - ke silteme jasap.

TJD, Sokolov orman sharýashylyǵy, Qyzyljar aýdanynyń jergilikti polısıa qyzmetkerlerinen, eriktilerden quralǵan top izdeý jumystaryn kún saıyn júrgizýde.

Qutqarýshylar shildeniń 24-i men 28-i aralyǵynda ondaǵan shaqyrym aýmaqty súzip ótip, Reseıdiń Túmen oblysynyń shekarasyna deıin jetti.

«Kún saıyn tańerteń jeke quramǵa tehnıkalyq qaýipsizdikti saqtaý týraly nusqaýlyq ótkizilip, izdeý júrgiziletin jerler anyqtalady. Otrád toptarǵa bólingen, árqaısynyń jetekshisi bar. Turaqty túrde habar almasý maqsatynda toptarǵa radıostansıa berildi. İzdeý jumystaryna 148 adam, 9 tehnıka jumyldyrylyp otyr. Sondaı-aq eriktiler, joǵalǵan adamnyń týystary da atsalysyp jatyr», – dedi SQO TJD kezekshilik-dıspecherlik qyzmetiniń basshysy Rústem Jumaǵalıev. 

Qutqarýshylar men eriktiler kún saıyn 27 sharshy shaqyrym jerdi súzip shyǵady. Otrádpen turaqty túrde telefon baılanysy jasalady.

Aıta keteıik, Petropavl turǵyny Nıkolaı Aleksandrovıch Dıtúk shildeniń 23-i kúni saǵat 14.00 shamasynda kórshisimen birge sańyraýqulaq jınaýǵa ketip, qaıtyp oralmaǵan.