Búgin QR Ulttyq ulany «Ońtústik» óńirlik qolbasshylyǵy áskerı bólimderinde Qostanaı óńirinen Otan aldyndaǵy boryshyn óteý úshin shaqyrylǵan sarbazdar ata-analarymen skaıp júıesi arqyly onlaın rejımdegi vıdeo-baılanysqa shyqty, - dep habarlaıdy Qamshy.kz Ulttyq ulan «Ońtústik» óńirlik qolbasshylyǵynyń baspasóz qyzmetine silteme jasap.

Baılanys barysynda Qostanaı qalasyndaǵy Ulttyq ulannyń 6697 áskerı bólimine jınalǵan sarbazdardyń ata-analary áskerı boryshyn Almatyda ótep jatqan uldarynyń jarqyn júzderin kórip, tildesý múmkindigine ıe boldy. Sonymen qatar, ata-analar uldarynyń áskerı ómirimen, turmys jaǵdaılarymen tanysty.

Atalǵan is-sharaǵa Ulttyq ulan Bas qolbasshysynyń tárbıe jáne áleýmettik-quqyqtyq jumystar jónindegi orynbasary general-maıor Muhametqalı Satov qatysyp, onlaın rejımde ata-analardyń kókeılerinde júrgen suraqtaryna jaýap berdi.

Sondaı-aq, ata-analardyń nazaryna uldarynyń sálemdemesi joldanǵan jáne qyzmetterin ótkerip júrgen áskerı bólimderdiń tynys-tirshiligi týraly beınejazbalar usynyldy.

Tamyz aıynda atalǵan is-shara jalǵasyn taýyp, Aqmola oblysynan shaqyrylǵan sarbazdar da ata-analarymen onlaın-baılanysqa shyqpaq.