Juma kúni Almatydaǵy Medeý aýdandyq №2 sotynyń ǵımaratynan qashyp ketken kúdikti búgin qolǵa tústi, - dep habarlaıdy Qamshy.kz.
«Almaty polısıasy jedel bólinisteriniń qyzmetkerleri tergeý kezindegi bultartpaý sharasyn belgileý úshin sotqa jetkizilip, sot ǵımaratynan qashyp ketken D. Dosmaǵambetovty ustady», - delingen İİD baspasóz qyzmeti taratqan habarlamada.
Esterińizge salsaq, juma kúni Medeý aýdandyq sotyna jetkizilgen kúdikti sot ǵımaratyndaǵy kameradan qashyp ketken bolatyn. Oǵan QR QK 188-babynyń 2-bólimi, 2,3-tarmaqshalary (Urlyq) boıynsha aıyp taǵylǵan.
Sondaı-aq, onyń buǵan deıin de osyndaı qylmystar úshin jaýapqa tartylǵany habarlanǵan.
