Rıo-de-Janeıro Olımpıada oıyndarynyń bastalýyna sanaýly kún qaldy. Demek, ár elden kelgen ulttyq quramanyń 2016 jylǵy sport kıimin synap, baǵa beretin kún de alys emes, - dep jazady massaget.kz.
Ásirese, Olımpıada oıyndarynyń ashylý jáne jabylý saltanatynda qatysýshylar memleketti týlarynyń astynda sherýmen ótetin sátte Olımpıada kıimderimen erekshelenedi.
Áleýmettik jelilerde bizdiń Olımpıada oıynshylarynyń kıimderine qatysty úlken daý týyp edi. Bir top unamady dese, ekinshi top qoldaý kórsetti.
Bul – bizdiń olımpıadashylardyń aldaǵy oıynǵa eldi tanystyratyn sporttyq kıimderi. Biraq, sporttyq kıim de, sherýge arnalǵan úlgi de budan ózgerdi.
Sońǵy maquldanǵan sporttyq úlgi aqshyl kók túske ıe. Formany ózgertýge Rıoda júrip jatqan juqpaly Zıka aýrýy sebep bolǵan. Olaı bolsa, ózge eldiń olımpıada kıimderimen salystyryp kóreıik.
Aıyr qalpaqty baýyrlarymyzdyń Olımpıada sherýine arnalǵan kıimi tym erekshe.
Kanada ulttyq quramasynyń formasyn aǵaıyndy dızaınerler Den jáne Dın Keıten DSquared2 brendimen daıyndaǵan. Týdyń túsine sáıkes keletin sporttyq kıim zamanaýı úlgide jasalǵany kórinip tur.
Kýbalyq ulttyq qurama túgelimen shalbar kıetin bop sheshken. Formanyń dızaıneri – Krıstıan Lýbýten.
Shvedtik brend H&M olımpıada jáne paraolımpıada oıynshylaryna arnap, el týynyń túsimen úndestire arnaıy kıimdi usynǵan. Kıimderindegi "Shvesıa" degen jazýmen jáne patrıottyq obrazben daıyndalǵan sporttyq kıim qatysýshylarǵa zor demeý bolatyny sózsiz.
Ulybrıtanıalyq sporshylardyń olımpıadalyq kıim úlgisin Adidas brendi usynǵan. Stelly Makkartnı esimdi dızaınerdiń oıymen jasalǵan kıimge eltańba kóp beınelengen.
Bıyl AQSH quramasyn taǵy da dızaıner Ralf Loren "kıindirgen". Klasıkalyq obrazdan aınymaı, memlekettik týdyń túsine sáıkes daıyndaǵan. Alaıda Halyraqalyq Olımpıada komıtetiniń sporttyq úlgisine sáıkes emes dep syn aıtýshylar qatary kóp eken.
Fransıalyq qurama Rene Lakosto negizin qalaǵan Lacoste brendiniń kıimimen elin tanystyrmaq. Fransýz formasynyń stılin kópshilik tym "salmaqty" dese, endi biri jastarǵa úılespeıdi degen.
Ońtústik Koreıa quramasy amerıkalyq qurama sekildi klasıkalyq obrazdy ustanǵan. Kıimniń basty ereksheligi masa arqyly juǵatyn Zıka vırýsynan qorǵaıdy. Kórshiles Reseı eli de osy eldiń qorǵaný ádisin paıdalanǵan eken.
Bul – reseılik olımpıadaǵa qatysýshylarynyń sherý kıimi.
Aýstralıa quramasy 1924 jyly Olımpadada baq synaǵan quramanyń úlgisi negizinde jasaǵan eken. Restrostılmen erekshelengen myna kıim úlgisi de Zıka juqpaly aýrynan saqtandyrylǵan.
