Oral qalasynda 12-qabattaǵy balkonnan qulaǵan er kisi qaıtys boldy, - dep habarlaıdy Qamshy.kz «Ýralskaıa nedeláǵa» silteme jasap.

Qaıǵyly oqıǵa Oraldyń Dostyq kóshesindegi 14 qabatty úıde tańerteń bolǵan. Orta jastaǵy er kisi 12-qabatqa kóterilip, keıin tómen sekirip ketken. Kýágerler marqumnyń jas shamasy alpystyń aınalasynda ekenin aıtýda.

«Men tańerteń PIK-tegi (KSK) jumysyma saǵat toǵyz shamasynda keldim. Sómkemdi qoıyp, otyra bergenim sol edi syrttan bir áıel júgirip kelip, kóshede máıit jatqanyn aıtty. Syrtqa shyǵýdan qorqyp terezeden qaradym», - degen basylymǵa PIK qyzmetkeri Jumabıke Mýteshova.

Basylymǵa atalǵan úıdiń turǵyndary sońǵy ýaqytta birneshe kórshisiniń osylaı terezeden sekirip ketkenderin aıtqan kórinedi.

Qazir polısıa qaıtys bolǵan azamattyń kim ekenin anyqtap jatyr.