Astanada jolaqy tóleýdiń elektrondy júıesi júzege asyryla bastady. Endi elorda mańyndaǵy aýyldarǵa jolaýshylar tasymaldaý 4 tarıftik aımaq boıynsha júrgiziledi. Naqtylap aıtqanda, buǵan deıin qala syrtyndaǵy 24 eldi mekenge qatynaıtyn 14 baǵdardyń jolaqy quny bylaı bólinbek, - dep habarlaıdy Qamshy.kz 31 arnaǵa silteme jasap.
Avtobýstardyń 1-shi aımaǵy - qala ishi. Bul aýmaqta jol júrý quny eresekterge 90, al balalarǵa 40 teńge. Odan keıingi 2-shi aımaqqa barý úshin 200 teńge shyǵyndanasyz. 3-shi jáne 4-shi tarıf boıynsha sáıkesinshe 300 nemese 400 teńge tóleısiz.
Aımaqtar arasyndaǵy ara qashyqtyq 15 shaqyrymnan jáne ár aımaq ishindegi jolaqy 90 teńgeden aspaýy tıis. Budan bólek osy birinshi kezeńde birqatar azamattarǵa jeńildikter qarastyrylǵan. Olardyń qataryna soǵys ardagerleri, zeınetkerler, barlyq toptaǵy múgedekter, kóp balaly analar men oqýshylar kirip otyr.
- Qalalyq turǵyndardyń jalpy sany 93 myń adamdy quraıdy. Al qala mańyndaǵy eldi mekenderde turǵandardyń sany 12 myńnyń ústinde. Osy azamattar jeńildikpen paıdalana alatyn bolady, - deıdi "Astana LRT" JSHS-nyń jolaýshylar kóligi mamany Ábdihamıt Tamabaev.
